الماتىدا كولىك رەفورماسى اياسىندا جىلجىمالى سوستاۆتى جاڭارتۋ ودان ءارى جالعاسۋدا. جۇمىس ساپارى كەزىندە الماتى اكىمى باۋىرجان بايبەك بۇگىن BRT جەلىسىنە جاڭا باعىتتار بويىنشا شىعاتىن سىيىمدىلىعى جوعارى 18 مەترلى اۆتوبۋستاردى كوردى.

جولاۋشىلار اعىنىنىڭ ارتۋىنا وراي BRT جەلىسىندە №205 جاڭا باعىت اشىلدى، مۇنداعى كولىك مۇستافين – رىسقۇلبەكوۆ – سۇلەيمەنوۆ – جاندوسوۆ – تيميريازيەۆ – جەلتوقسان (كەرى باعىتتا ناۋرىزباي باتىر) - تولە بي كوشەلەرىن، شىعىس اينالما جولىن جانە «جەتىسۋ» بازارىن قامتيدى.

بۇل باعىت بويىنشا قىزمەت كورسەتۋ ءۇشىن 30 جاڭا كولىك بىرلىگى ۇيىمداستىرىلعان، قوزعالىس ينتەرۆالى 5 مينۋت. تومەن ەدەندى اۆتوبۋستاردىڭ سىيىمدىلىعى 180 ادامنان اسادى، كولىكتەر كونديسيونەرلەرمەن، ۆيدەوباقىلاۋ كامەرالارىمەن، ەڭكەيگىش كۋزوۆپەن جابدىقتالعان ءارى ەكولوگيالىق ەۆرو-5 سىنىبىنا ساي. 18 مەترلى اۆتوبۋستىڭ ءتورت ەسىگىنىڭ ءارقايسىسىنا «وڭاي» تەرمينالى ورناتىلعان.

«قالا باسشىلىعىنىڭ قوعامدىق كولىكتەگى سەرۆيس ساپاسىن ارتتىرۋعا قاتىستى تاپسىرماسىنا وراي ءقازىردىڭ وزىندە 600 جۇرگىزۋشى بىلىكتىلىك ورتالىعىندا كاسىبي شەبەرلىكتەرىن جەتىلدىرۋدە. پدد جانە كۇيزەلىستىڭ الدىن الۋ، العاشقى مەديسينالىق كومەك كورسەتۋ، جولاۋشىلارعا مادەنيەتتى قىزمەت كورسەتۋ بويىنشا ترەنينگتەر وتۋدە»، - دەدى الماتى قالاسى اكىمىنىڭ ورىنباسارى ەرلان اۋكەنوۆ.

قالانىڭ كولىك حولدينگىنىڭ باسشىسى سادير حامرايەۆتىڭ اقپاراتى بويىنشا وتكەن قازان ايىندا «وڭاي» كارتاسى بويىنشا 1،9 ملرد. تەڭگەنىڭ 31 ميلليونى ترانزاكسيالانعان، بۇل رەكوردتىق كورسەتكىش.

ايتا كەتەرلىگى، جىل اياعىنا دەيىن الماتىدا قوعامدىق كولىكتىڭ ۇلەسى 87 پايىزعا جەتەتىن بولادى. وتكەن اپتادا قالاعا تاعى 200 جاڭا اۆتوبۋس كەلدى.