كەلەر جىلى مەدەۋ اۋدانىندا 100 اۋلاعا كۇردەلى جوندەۋ جاسالادى. وسىلايشا، اۋدانداعى بارلىق اۋلا تولىقتاي جايلىلىقپەن قامتىلماق.

اۋدان اكىمى ەرجان جىلقىبايەۆتىڭ بەرگەن ەسەبىنە سايكەس، 2،5 جىلدىڭ ىشىندە 300 اۋلانى اباتتاندىرۋعا 4 ميلليارد تەڭگە قاراجات جۇمسالىپتى. جوندەۋ جۇمىستارى تەك اۋلالاردا عانا جاسالىپ قويماي، ۇزاق جىلدار بويى جوندەۋ كورمەگەن 60 ءۇيدىڭ قاسبەتتتەرى دە جاڭارتىلعان. بۇل ماقساتتا جەرگىلىكتى بيۋدجەتتەن 70 ميلليون تەڭگە قاراستىرىلعان.

«جاڭارتىلعان الپىس ءۇي دوستىق، نازاربايەۆ، اباي داڭعىلدارى، ساتبايەۆ، قاجىمۇقان، ايتەكە بي كوشەلەرىندە ورنالاسقان. ال «ايماقتاردى دامىتۋ-2020» باعدارلاماسى اياسىندا 47 كوپقاباتتى ءۇيدىڭ جوندەۋ جۇمىستارى اياقتالدى. كەلەر جىلى وسىنداي 50 ءۇيدى جاڭارتۋدى جوسپارلاپ وتىرمىز. جالپى، اۋدان بويىنشا 712 كوپقاباتتى ءۇي بار»، – دەدى الماتى قالاسى مەدەۋ اۋدانىنىڭ اكىمى ەرجان جىلقىبايەۆ.