ءىس-شاراعا اقتوبە وبلىسىنىڭ اكىمى بەردىبەك ساپاربايەۆ، اقتوبە قالاسىنىڭ اكىمى ءىلياس يسپانوۆ، «قازپوشتا» اق تاۋەكەلدەر مەن سايكەستىك بويىنشا باسقارۋشى ديرەكتورى نۇرقانات نۇراكينوۆ، «قازپوشتا» اق پوشتا قىزمەتتەرى جونىندەگى اتقارۋشى ديرەكتورى ساۋلە ەگەمبەردييەۆا، «قازپوشتا» اق اقتوبە وبلىستىق فيليالىنىڭ ديرەكتورى سەرىك بەردەنوۆ قاتىستى.

اقتوبەدە ءىرى پوشتا حابى اشىلدى، وعان بەلارۋس، رەسەي، مولدوۆا، قىرعىزستان، وزبەكستاننان كەلەتىن سالەمدەمەلەر، سونداي-اق تمد ەلدەرىنەن قىتايعا جونەلتىمدەر جانە جەرگىلىكتى جونەلتىمدەر جەتكىزىلەتىن بولادى. ولار حابتىڭ اۋماعىندا كەدەندىك باقىلاۋدان جانە سۇرىپتاۋدان وتەدى. بۇل سالەمدەمەلەردى جەتكىزۋ ۋاقىتىن بىرنەشە كۇنگە ازايتۋعا كومەكتەسەدى.

«قازىرگى ۋاقىتتا قازاقستاندا 2 حاب ىسكە قوسىلدى: الماتىدا جانە استانادا، بۇعان دەيىن سالەمدەمەلەردىڭ كوپشىلىگى الماتىنىڭ سۇرىپتاۋ ورتالىعىنا جەتكىزىلدى، ەندى ەۋروپا جانە تمد ەلدەرىنەن جونەلتىمدەر اقتوبەدە سۇرىپتالادى جانە كەدەندىك باقىلاۋدان وتەدى. بۇل سالەمدەمەلەردى ساتىپ الۋشىلارعا جەتكىزۋ ۋاقىتىن 6 كۇنگە دەيىن قىسقارتۋعا مۇمكىنشىلىك بەرىپ، الماتىداعى لوگيستيكالىق ورتالىققا جۇكتەمەنى ازايتىپ، پوشتالىق ايىرباستاۋدىڭ تاعى ءبىر ترانزيتتىك نۇكتەسىن الىپ تاستايدى»، - دەدى «قازپوشتا» اق پوشتا قىزمەتتەرى جونىندەگى اتقارۋشى ديرەكتورى ساۋلە ەگەمبەردييەۆا.

ەگەر بۇرىن اقتوبەدە كۇنىنە 6000-عا جۋىق جونەلتىمدەر وڭدەلسە، لوگيستيكالىق ورتالىعىنىڭ اشىلۋىمەن، وڭدەلگەن پوشتا كولەمى تاۋلىگىنە 20-25 مىڭعا دەيىن وسەدى.

جاڭادان اشىلعان لوگيستيكالىق جانە سۇرىپتاۋ ورتالىعىنىڭ جالپى اۋماعى 3500 ش.م.جانە كەدەندىك باقىلاۋ مەن تەكسەرۋ ايماقتارىمەن جابدىقتالعان. سونداي-اق، حابتا جىلىنا 160 مىڭعا جۋىق سالەمدەلەردى وڭدەۋگە دايىن فۋلفيلمەنت  ورتالىعى ورنالىسقان. ورتالىق ينتەرنەت-دۇكەندەرگە تاپسىرىستى قابىلداۋ، ساقتاۋ، وڭدەۋ جانە سالەمدەمەلەردى جەتكىزۋ سەكىلدى ءبىرقاتار قىزمەتتەردى ۇسىنادى. سونىمەن قاتار، ينتەرنەت-دۇكەندەر تاۋارلاردى فۋلفيلمەنت ورتالىعىندا ورنالاستىرۋ ارقاسىندا لوگيستيكا، تاۋارلارعا ارنالعان قويمالاردى، پەرسونالدى جالداۋ جانە باسقا دا شىعىنداردى بارىنشا ازايتادى، سالەمدەمەلەردى جەتكىزۋ ۋاقىتىن قىسقارتادى.

فۋلفيلمەنت ورتالىعىنىڭ قىزمەتتەرىمەن قاتار، «قازپوشتا» ءوز كليەنتتەرىنە تولىقتاي قارجى ينفراقۇرىلىمىن (جەكە وڭدەۋ قىزمەتتەرى، تولەم قۇرالدارى) ۇسىنادى.