تۇرىكمەنستان پرەزيدەنتى گۋربانگۋلى بەردىمۇحامەدوۆ نەمەرەسى كەريمگۋلىمەن "ارمان" («Arzuw») ءانىن 21 جەلتوقساندا "ميزان" ورتالىعىندا جاڭا جىلدىق كونسەرتتە ورىندادى. بۇل تۋرالى جەرگىلىكتى ب ا ق حابارلادى.
ءاننىڭ ءسوزىن گۋربانگۋلى بەردىمۇحامەدوۆتىڭ ءوزى، ال مۋزىكاسىن نەمەرەسى كەريمگۋلى جازعان.
"ءان ەرەكشە ستيلدە، كوركەم ارلەۋمەن ءۇش تىلدە - تۇرىكمەنشە، اعىلشىنشا جانە نەمىسشە ورىندالدى. ءاننىڭ ادەمى اۋەزى كورەرمەندەردىڭ جانىنا تەرەڭ بويلاپ، ەرەكشە كۇيگە ءتۇسىردى. بۇعان كۋا - حالىقتىڭ ۇزاق قوشەمەت كورسەتۋى"، - دەپ حابارلايدى "تۇرىكمەنستان التىن عاسىر" رەسمي باسىلىمى.
بيىل جازدا بەردىمۇحامەدوۆتىڭ ورىنداۋىنداعى "قاراقۇم" ءانى دە تۇرىكمەنستاندا ءبىراز ۋاقىتقا دەيىن "حيت" بولعان.
2015 جىلى پرەزيدەنتتىڭ "العا، العا جانە العا، مەكەنىم، تۇرىكمەنستان" دەگەن ءانىن ءتورت مىڭ ادام ورىنداپ، گيننەستىڭ رەكوردتار كىتابىنا ەنگەن.
