قىتايدا كولەمى نيۋ-يورك مەگاپوليسىندەي بولاتىن، تومەنگى جيىلىكتە جۇمىس ىستەيتىن انتەننا (ELF) قۇراستىردى.

بۇل الىپ قۇرىلعى ءتونىپ كەلە جاتقان تابعي اپاتىڭ الدىن الۋ، ياعني، ءزىلزالانى ەسكەرتۋ ءارى گەولوگيالىق بارلاۋ ءۇشىن قۇراستىرىلعان. رەسمي اقپارات بويىنشا، ال الەمدىك بۇقارالىق اقپارات قۇرالدارى قىتايدىڭ بۇل جوباسىن اسكەري ماقساتتا قولدانىلاتىنىن العا تارتۋدا. ELF جوباسى 2016 جىلدان باستاپ قولعا الىنعان بولاتىن.

بۇدان بولەك، قىتايدىڭ ءار تۇكپىرىندە مالىمەتتەر مەن دەرەكتەردى جەتكىزەتىن ءارى وڭدەيتىن ورتالىقتار قۇرىلىپ جاتىر. اتالمىش كەشەننىڭ تومەنگى جيىلىكتەگى راديوتولقىنى جەردىڭ تەرەڭ قاباتىن دا قامتي الاتىن قاۋقارعا يە. بۇل ءوز كەزەگىندە پايدالى قازبا رەسۋرستاردى ىزدەپ تابۋعا كومەكتەسپەك. اسىرەسە، سيرەك كەزدەسەتىن مەتالداردى. سونداي-اق، جەر سىلكىنىسىن الدىن الا بولجاۋ ءۇشىن پايدالانىلادى.

تومەنگى جيىلىكتەگى راديوتولقىندار تەك جەراستىندا عانا ەمەس، سونىمەن قاتار، سۋاستىندا دا تارالۋعا قابىلەتتى. ياعني، سۋاستى كەمەسىندەگىلەرمەن بايلانىسۋعا مۇمكىندىك بەرمەك. سۋاستى كەمەسى سۋ بەتىنە كوتەرىلمەي-اق، بۇيرىق پەن نۇسقاۋ الا الاتىن بولادى. بۇل جاۋدىڭ نىساناسىنا اينالماۋعا مۇمكىندىك بەرەدى.

انتەننانى قىتايدىڭ اسكەري فلوتىن بايلانىس جانە وزگە قۇرالدارمەن جابدىقتايتىن، مەملەكەتتىك كەمە جاساۋ كومپانياسىنىڭ قۇرامىندا جۇمىس ىستەيتىن جۇڭگو عىلىمي زەرتتەۋ ينستيتۋتى قۇراستىردى. بۇل جۇيەنىڭ ءبىر كومپونەنتى وڭتۇستىك-قىتاي تەڭىزىندەگى حاينان ارالىندا ورنالاستىرىلعان. "بۇل جوبانىڭ سوعىس باستالا قالعان جاعدايدا ماڭىزى زور"،- دەدى گەولوگيا ينستيتۋتىنىڭ وكىلى چەن سياوبين ELF نىساندارىنىڭ قاۋىپسىزدىگىنە قاتىستى قويىلعان ساۋالدارعا جاۋاپ بەرۋ كەزىندە.

جۇڭگو84 ديزەلدى-ەلەكترلى ءارى اتومدىق سۋبماريننەن تۇراتىن سۋاستى فلوتىنا يە. 2018 جىلدىڭ قاراشا ايىندا Type 094 Jin سۋاستى كەمەسى جاڭا بۋىننىڭ JL-3 بالليستيكالىق زىمىرانىن سىناقتان وتكىزگەگىن ايتا كەتۋ كەرەك. بۇل زىمىراننىڭ ۇشۋ قاشىقتىعى ءتانتى ەتپەي قويمايدى - امەريكا قۇرلىعىنا دەيىن جەتەدى. اقش بارلاۋشىلارىنىڭ كەلتىرگەن دەرەگىنە قاراعاندا، جۇڭگو وسىنداي ءتورت اتومدىق سۋبمارينگە يە ءارى تاعى ەكەۋى قۇراستىرىلۋدا.