كەزىندە ماعجان جۇمابايەۆ «مەن جاستارعا سەنەمىن» دەپ ۇلكەن كورەگەندىلىك تانىتىپ، بولاشاقتىڭ يەسى جاستار ەكەندىگىن ايتقان ەكەن. شىندىعىندا، جاستار بىرىكسە ۇلكەن كۇش. جاستار الدىنا ماقسات قويسا، الىنبايتىن قامال جوق. سوندىقتان مەن بارلىق جاستاردى ىزدەنىپ، ءبىلىمدى تەرەڭدەتىپ، ەل يگىلىگى ءۇشىن قىزمەت ەتۋگە شاقىرامىن.

مىنە، بۇگىن ەلىمىزدىڭ بارشا جاستارى ءۇشىن ۇلكەن مەرەكە. ەلباسى «جاستار جىلىن» جاريالاپ، ءاربىر جۇرەككە وت بەردى. قانداي باعىتتا، نە ىستەۋ كەرەك ەكەندىگىنە دەيىن ايقىنداپ بەردى. الىسقا بارىپ، ءبىر جاڭالىق اشسام دەۋدىڭ ەش كەرەگى جوق ەكەندىگىنە كوزىم جەتتى. ءوزىمىزدىڭ زامانداستارىمىزدىڭ قول جەتكىزگەن تابىستارىنا قاراپ قۋانىپ وتىرمىز. بيىل دا ەلباسىمىز مەملەكەت تاراپىنان قانشاما گرانت ءبولۋدى تاپسىردى. بۇل باسقوسۋ جاستارعا جاڭاشا قانات ءبىتىردى.

الماتىدا 2017 جىل جاستاردى قورعاۋعا ارنالعان جىل بولىپ جاريالان­عانى بەلگىلى. سول كەزدە وتىز جاسقا دەيىنگى جاستاردى باسپانامەن قامتۋ ماسەلەسى الدىڭعى ورىنعا قويىلىپ، تالاي جاسقا باسپانا باقىتى بۇيىرعان ەدى. مىنە، ەندى رەسپۋبليكا جاستارى ۇلكەن قولداۋعا يە بولىپ، وزدەرىنىڭ بيزنەس جوسپارلارىن، باسقا دا ماقساتتارىن جۇزەگە اسىرۋدىڭ ۋاقىتى كەلىپ تۇر. سوندىقتان ەلباسى قولداپ، جاستارعا جىگەر بەرىپ وتىرعاندا نەگە سەرپىلمەسكە؟ بارلىق جاستاردى وي ءبولىسىپ، بىرلەسە ەڭبەك ەتۋگە شاقىرامىن. ءبىزدىڭ ءبىراز جوبالارىمىز بار. كوپ بولىپ اقىلداسىپ، ءبىراز بيزنەس جوسپارلاردى جۇزەگە اسىرۋعا بولادى.

ايسۇلتان تاۋباي ۇلى