"ەڭ جامان قارعىستى بىلەسىڭدەر مە؟" - دەپ سۇراعان ەدى ءبىر ءمۇعالىمىمىز كەزىندە. اركىم ءارقيلى ەستىگەن "سويلەمدەرىن"، "تىركەستەرىن"، "باتالاردى" قارعىسقا تەلىپ، ايتا جونەلدى.
"جەرگە كىرگىر"، "تۇقىمىڭ قۇرىعىر"، "كوسەگەڭ كوگەرگىر" (قارعىستاي ەستىلگەنىمەن، مۇنىڭ باتا ەكەنىن ۇقپاعاندار دا بار ەدى)، "قۇدايدان جەتكىر"،... انالارىنىڭ اشۋىنا تيىسكەندە ەستيتىن سوزدەرى، بىرەۋگە كەسىرى تيگەندە ەستيتىن سوزدەرى... ايتەۋىر جامىراي جونەلدىك.
"تاپپادىڭدار" دەدى اپايىمىز. "ەندى قانداي قارعىس؟" - دەپ، بارلىعىمىز اڭ-تاڭ بولدىق. جەر بەتىندەگى ەڭ جامان قارعىستاردى ءبىز عانا ەستىگەندەي، بۇدان دا باسقاسى بار ما دەگەندەي تاڭىرقاپ.
"وندا مەن ايتايىن. ءبىلىپ جۇرىڭدەر. "ءوزىڭ بىلمە، بىلگەننىڭ ءتىلىن الما" دەگەن - ەڭ جامان قارعىس" - دەدى اپايىمىز. ارينە، ول كەزدە انشەيىن تىركەستەي، بولماشى سوزدەي بولىپ كورىنگەن. بايىبىنا بارىپ، ءسوز ءمانىن ۇقپاعانىمىز دا انىق.
ءقازىر ويلانىپ قاراسام، راسىندا دا، ەڭ جامان قارعىس سول ەكەن-اۋ. بۇل ءسوزدى ماعان ەشقاشان ەشكىم ايتپاعانىنا قاتتى قۋانامىن... ەشكىمگە ەشقاشان ەشكىم ايتاتىنداي جاعداي تۋدىرماسا ەكەن... ءسوز سۇيەكتەن وتەتىنى راس-اۋ. تەك جاقسى ءسوز سويلەپ جۇرەيىك ءارقاشان... كىمگە بولسا دا... سوندا ءوزىمىز دە تەك جاقسى ءسوز ەستيتىن بولامىز.
ماقپال سەمباي
پىكىر قالدىرۋ