Таразда жұма намазға жиналған жұрт жергілікті тәртіп сақшыларымен жанжалдасып қалды. Жамағаттың жаппай наразылық танытуына әмбебап полициясының әрекеті себеп. Олардың айтуынша, шен таққандар еш ескертусіз мешіт маңындағы көліктердің нөмірін шешіп алған.
Таразда жұма намаздың соңы жаппай наразылыққа жалғасты. Себеп жамағаттың құлшылық етуге ішке енген сәтін күткен тәртіп сақшылары келген көлік нөмірлерін тып-типыл етіп теріп кеткен дейді көпшілік.
