Лиссабон маңындағы Капарика жағажайында шағын ұшақ 56 жастағы ер адам мен 8 жастағы қызды қағып кеткен деп хабарлайды Qamshy.kz ақпарат агенттігі шетелдік БАҚ-қа сілтеме жасап.
Оқыс оқиға салдарынан екеуі де қаза тапты. Куәгерлердің айтуы бойынша ұшақ адам басынан сәл жоғары деңгейде ұшып келе жатқан. Жағажайдағы барлық адамдар қатты қорқып суға секіріп, жан-жаққа қашқан. Ал қаза тапқандар сол уақытта жағажайда күн астында жатып ұшақты байқамай қалған көрінеді. Ұшақ ішіндегі екі жолаушы зардап шекпеген. Қазіргі уақытта оларды жергілікті полиция тергеп жатыр.
