Беларусияда Қазақстанның танымал әншісі Роза Рымбаеваның есімі жазылған жұлдыз орнатылды. Бұл туралы әнші өзінің Instagram-дағы парақшасында жазды, деп хабарлайды Qamshy.kz ақпарат агенттігі.
«Менің қымбаттыларым! Бүгін Витебск қаласындағы Жұлдыздар алаңында менің есімім жазылған жұлдыз ашылды. Славян базары өнер фестивалінің басшылығына және ел президенті Лукашенкоға осындай керемет фестиваль ұйымдастырғандары үшін алғыс айтамын. Мен бақыттымын! Розаларыңыз қашан да сіздермен», - деп жазды Роза Рымбаева парақшасында.
Айта кетейік, қазақтың эстрадалық әншісі, актриса, педагог-профессор Роза Қуанышқызы ҚР Мәдениет және спорт министрлігі ұйымдастыратын кештерден бірнеше жылға шеттетілгені жайлы мәлімдеген еді.
Бұдан бұрын әнші «рояль жоқ екен» деген бір ауыз сөзі үшін туған қаласы Семейдің кештерінде өнер көрсету мүмкіндігінен айырылған. Кейін мәдениет министрлігі ұйымдастырған кештерден де бес жылға дейін шеттетілді. Мұны Роза Қуанышқызы Өңірлік коммуникациялар қызметінің баспасөз мәслихаты кезінде айтқан болатын. Бұған қоса әнші Астананың 20 жылдығына арналған мерекелік кештерде де бой көрсетпеді.
Пікір қалдыру