Президент әкімшілігінің басшысы Қырымбек Көшербаев ұлы ақын Абай Құнанбаевтың шағармаларын оқу эстафетасын жалғастырды. Көшербаев оқыған үзінділер видеосын Берік Уәли өз Facebook парақшасына жүктеді деп жазады Qamshy.kz ақпарат агенттігі. 

#Абай175 хэштегімен басталған эстафета қазіргі таңда халық арасында кеңінен танылып кетті. Берік Уәли парақшасына жазған жазбада:

"Қазақстан Республикасының Президенті Қасым-Жомарт Кемелұлы Тоқаев Абай шығармаларын оқу эстафетасын кішкентай Ләйлімнен қабылдап, өзі де жалғастырғанын білесіздер. Бұл бастама қазір жалпыхалықтық сипат алды. Тағылымды эстафетаны әйгілі өнер тарланы Досхан Жолжақсыновтан қабылдап алған Президент әкімшілігінің басшысы Қырымбек Көшербаев ұлы ақынның масылдық туралы ой-пікірлерінен үзінді оқып, қазақ ғылымының майталмандары, академиктер Төрегелді Шарманов пен Асқар Жұмаділдаевқа және мәнерлеп сырғанаудан әлем чемпионатының күміс жүлдегері Элизабет Тұрсынбаеваға жолдады",- делінген.