Алматының Әл-Фараби даңғылында автобус түгі қалмай жанып кетті деп хабарлайды Qamshy.kz ақпарат агенттігі.
"Сағат 6.45-те Бостандық ауданы Әл-Фараби даңғылы мен Ходжанов көшесінің қиылысында автобустың өртенгені туралы ақпарат келіп түсті. Кейіннен "Yutong" маркалы №32 жолаушылар автобусының өртке оранғаны анықталды. Көлік жүргізушісі тілсіз жаумен өзі күресуге тырысқан", - деп хабарлады төтенше жағдайлар департаменті.
Өрт сағат 07.04-те сөндірілді, аумағы - 25 шаршы метрді құраған. Автобуста жолаушылар болмаған. Қаза болғандар мен зардап шеккендер жоқ.
Пікір қалдыру