Алматыда төтенше жағдай аяқталды. Дегенмен карантин режимі  әлі жалғасады. Бұл шешімді қала әкімдігі жанынан төтенше жағдай режимін қамтамасыз ету жөніндегі жедел штаб қабылдады.

Сондай-ақ қаланың периметрі бойынша орналасқан блок-бекеттердің жұмысы бұрынғы күшейтілген режимде жұмыс істейді. 

"Қалада жүргенде санитарлық-эпидемиологиялық қауіпсіздік нормалары қатаң сақталуы тиіс. Оған қоса штабтың шешімімен қалада жұмыс істеуге рұқсат етілген кәсіпорындар мен мекемелердің қызметкерлеріне ғана жүріп-тұруға болады. Қала тұрғындары карантин мен санитарлық-эпидемиологиялық нормаларды қатаң сақтау керек. Карантин режимін бұзу (қызметті рұқсатсыз жүзеге асыру, оның ішінде жұмысқа шығу) Қазақстан Республикасының заңнамасында көзделген дербес және қылмыстық жауапкершілікке әкеп соғады", - делінген хабарламада. 

Карантин жағдайында кімдерге жұмыс істеуге рұқсат берілген?

• мемлекеттік және құқық қорғау органдары;

• коммуналдық қызметтер;

• өнеркәсіп;

• құрылыс;

• жобалық ұйымдар;

• жылжымайтын мүлік агенттіктері;

• ХҚКО (заңды тұлғаларға қызмет көрсету үшін);

• нотариустар;

• адвокатура;

• азық-түлік дүкендері мен базарлар;

• кафелер мен мейрамханалар (өзімен алып кетуге ғана болады);

• медициналық клиникалар;

• стоматология;

• зертханалар;

• дәріхана;

• көлік және логистика;

• дистрибуция;

• ЖҚС;

• онлайн жеткізу;

• Екінші деңгейлі банктер және басқа да қаржы ұйымдары (50%-ке дейін);

• сақтандыру;

• ломбардтар;

• бизнеске арналған кәсіби қызметтер (консалтинг, аудит және бухгалтерлік қызметтер);

• ақпараттық-коммуникациялық технологиялар;

• азық-түлік емес дүкендер, жалпы ауданы 500 м2 дейін;

• ТҚС, көлік жуу және шиномонтаждау;

• шаштараз;

• фотосалондар;

• гүл павильондары;

• химиялық тазарту (кір жуу орындары);

• техника және аяқ киім жөндеу орындары;

• баспа үйлері;

• айырбастау пункттері;

• ветеринарлық қызметтер.

Сонымен қатар қаладағы қоғамдық көліктің жұмыс тәртібі өзгеріссіз қалады (сағат 06.00-ден 19.00-ге дейін).