"Жошы хан" тарихи-мәдени кешенінің құрылыс жұмыстары 90%-ға орындалды. Қазіргі уақытта ішкі әрлеу, ауланы абаттандыру, көгалдандыру және инженерлік сыртқы желілерді қосу бойынша жұмыстар жүргізілуде. Бұл туралы Қарағанды облысының әкімі Жеңіс Қасымбек мәлім етті.
Облыс әкімі Ұлытау ауданына жасаған сапары барысында аудандағы шаруашылық пен туризмді дамытуға арналған жұмыстардың атқарылу барысымен танысқан.
Сапар аясында әкім "Жошы хан" тарихи-мәдени кешенінің құрылыс алаңында болғанын, мұндағы жұмыстар 90% орындалғанын хабарлады.
– Қазіргі уақытта ішкі әрлеу, ауланы абаттандыру, көгалдандыру және инженерлік сыртқы желілерді қосу бойынша жұмыстар жүргізілуде. Құрылыс жұмыстары тамызда аяқталады. Кешен Алтын Орда дәуірін зерттеуге арналған ғылыми орталық қана емес, сонымен қатар Ұлытаудың киелі орындарын, этно-ауыл, Жезқазған қаласының тарихи-археологиялық және тарихи-өндірістік мұражайларын байланыстыратын бірегей туристік маршруттың бір бөлігіне айналады, – деді Жеңіс Қасымбек facebook парақшасында.
Пікір қалдыру