Айта өтейік, қараша айынан бері арна эфирінен корей мен түрік телехкаялары алынып тасталған болатын. Олардың орнына ұлттық арна отандық сериалдарды қойған.
Өз өнімін дамытуға бел шеше кіріскен "Қазақстан" арнаcы ондаған номинация бойынша үздік телехикаяларды анықтап, оларды түсірген шығармашылық ұжымдарды марапаттады. Тіпті, алғыс хаттарды табыстау рәсіміне 6 бірдей вице-министрді шақырған.
Мысалы, "Жедел жәрдем" сериалының креативті режиссеріне алғыс хат пен бір құшақ гүлді Денсаулық сақтау вице-министрі Ерік Байжүнісов табыс етсе, ал "Олимп шыңы" телехикаясы авторлары спорт агенттігі төрағасының қолынан сыйлық алды.
"Көрермендерге насихаттайық деген оймен "ең үздік режиссерлік шешім үшін", "ең креативті ой үшін", "ең жақсы бір ізденіс үшін" деген номинацияларды өзіміз бәрін ойластырып, ұйымдастырып, осылар арқылы шығармашылық ұжамдардың жұмысын атап өтейік дедік" - деп мәлімдеді "Қазақстан" ТРК АҚ Басқарма төрайымы Нұржан Мұхамеджанова.
Пікір қалдыру