"Тайвань өзінің қорғаныс аймағына Қытай соғыс ұшақтарының ірі шабуылы болғанын айтты" деп хабарлады BBC.

Тайвань қорғаныс министрлігі 19 соғыс ұшақтың Тайпейдің әуе қорғанысын сәйкестендіру аймағына кіргенін хабарлады. Олардың ішінде жойғыштар мен ядролық бомбалаушылар бар екенін мәлімдеді.

Тайпей бір жылдан астам уақыт бойы Қытай әуе күштерінің аралға жақын жерде бірнеше рет жасаған миссиясына шағымданып келеді.

Қытай демократиялық Тайваньды "Бейжіңнен бөлінген провинция" деп санайды, бірақ Тайвань өзін егеменді мемлекет ретінде көреді.

Тайвань қорғаныс министрлігі Қытай әуе күштерінің жексенбі күнгі миссиясына ядролық қаруды, сондай-ақ сүңгуір кемеге қарсы ұшақты тасымалдай алатын төрт H-6 бомбалаушы ұшағы қатысқанын хабарлады.

BBC ақпаратынша, Тайвань тарапы қытайлық ұшақтарға ескерту жасау үшін зымырандық жүйелер орналастырғанын және жауынгерлік ұшақтар жібергенін мәлімдеген.

Ал, Қытай жағы әлі ресми түрде түсініктеме берген жоқ.