Алматы облысында екі көлік соқтығысып, екі адам қаза тапты. Бұл туралы облыстың полиция департаменті хабарлады.
Оқиға 12 қыркүйек күні сағат 19:15 шамасында "Талдықорған-Үштөбе" тасжолының 41 шақырымында болған. "Toyota Carina" және "Audi 80" автокөліктері соқтығысқан. Салдарынан екі көліктің жүргізушілері қайтыс болды.
"Toyota Carina" автокөлігінің 4 жолаушысы түрлі дене жарақатымен Үштөбе қаласының ауруханасына жеткізілді.
Қазір аталған іс қылмыстық кодекстің 345-бабы 4-бөлігі (Көлiк құралдарын басқаратын адамдардың жол жүрісі немесе көлiк құралдарын пайдалану қағидаларын бұзуы) бойынша тіркеліп, тергеу жұмыстары жүргізілуде.
Пікір қалдыру