Қазақстандық әскери қызметшілер - ҚР ҚК Әуе қорғанысы күштері спорттық парашюттік командасының өкілдері Азия чемпионатымен бір уақытта өткізілген Азия мен Океанияның 17-ші чемпионатының халықаралық сайыстарына және әскери парашюттік спорттан Қытайдың ашық ұлтаралық чемпионатына қатысты. Бұл туралы Қамшы порталы ҚазАқапартқа сілтеме жасай отырып хабарлайды.

Бұл туралы ҚР ҚМ баспасөз қызметі хабарлады.

Қытай Халық Республикасының Тайюань қаласында әскери қызметшілер парашюттік спорттан Қазақстан Республикасының ұлттық құрама командасының құрамында өнер көрсетті. Парашюттік команданың бастығы майор Леонид Дудкиннің басшылық етуімен Әуе қорғанысы күштерінің спорттық парашюттік командасы бұл жарыстарда Қазақстан Республикасын жоғары деңгейде көрсетті.

Сайысқа әлемнің 14 елінен жиналған командалар қатысты. Екі додада жарысқа түсті. Ол: классикалық парашютизм - жеке сынақта жерге қону дәлдігіне арналған секірулер және жеке парашюттік акробатика, сондай-ақ күмбезді парашюттік акробатика (4 парашютшінің ротациясы).

Қытай мен Азия және Океания ашық ұлтаралық чемпионатының чемпиондары атағын күмбезді парашюттік акробатика командасы иемденді. Әскери қызметші капитан Азамат Әбдірайымов, прапорщик Арсений Тарабаев, старшина Андрей Томилин, Денис Новицкий және ҚР ҚК қызметкері  Александр Терентьев бірінші орынды қанжығасына байлап,  IMEKS  сынағында Қытайдың ашық ұлтаралық чемпионатының чемпиондары атанды.  Команда бес алтын медальмен, он күміс медаль және екі кубокпен марапатталды.  

Аталған чемпионатта ҚР ҚК Әуе қорғанысы күштері Парашюттік дайындық орталығының жеке құрамы күмбезді парашюттік акробатика (4 парашютшінің ротациясы) бойынша Азия және Океания чемпионатының рекордын орнатты. Қазақстандық парашютшілер «Катари» командасымен жиырма ротация орындады. Осы фигураны орындау кезінде парашютшілер бірінің артында бірі орналасып, кезекпен алмасып, орындарымен ауысады. Ротациядағы жарыстар кезінде 4 парашютші мен әуе операторынан құралған командалар қатысады. Берілген уақыт шеңберінде жарыстың барлық айналымы аяқталғаннан кейін ротацияның барынша көп санын орындаған команда жеңіске жетеді.