Атырау мұнай өңдеу зауытының бұрынғы бас директоры Мұрат Досмұратов үйқамаққа алынды.

Бұған дейін Мұрат Досмұратов қызметтік өкілеттігін асыра пайдаланғаны үшін 72 сағатқа қамауға алынғаны хабарлаған.Сондай-ақ Досмұратовтың ұсталуының Атырау мұнай өңдеу зауытындағы соңғы оқиғаларға қатысы жоқ екені атап өтілді.  Айта кетейік, бұған дейін зауыттың бас директоры Ғалымжан Жусанбаев пен орынбасары, бас инженер Әділет Шошанбасов қызметінен босатылған еді.

«Ақ Жайық» газетінің жазуынша, қазір «Атырау мұнай өңдеу зауыты» ЖШС басшылығына қатысты мемлекетке аса ірі көлемде залал келтіру түріндегі ауыр зардаптарға әкеп соққан лауазымдық өкілеттіктерін асыра пайдаланғаны үшін сотқа дейінгі тергеу жұмыстары жүргізіліп жатыр.