Астанада судья Сабыржан Кәрімов Перизат Қайратқа қатысты үкім шығарды, деп хабарлайды Qamshy.kz ақпарат агенттігі.
Перизат Қайрат 10 жылға бас бостандығынан айырылды. Ал оның анасы Ғайни Алашбаева 7 жылға сотталды.
ТӘРКІЛЕНГЕН МҮЛІКТЕР:
- Ұрланған қаражатқа сатып алынған мүліктері:
- «Vela Village» коттедж қалашығындағы жеке үй;
- «Akbulak Riviera», «Sensata Plaza», «Highvill Ishim Gold», «Көк Жайлау» тұрғын үй кешендеріндегі пәтерлер мен тұрақ орындары;
- «Mercedes-Benz S450» 2024 ж., «Lexus LX 600» 2024 ж.;
- «Rebel Flowers» ЖШС-нің жарғылық капиталындағы 100% үлесі;
- 97 млн теңгеден астам қаражат және 22 мың АҚШ доллары тәркіленді.
- Жәбірленушілердің азаматтық талап қоюлары қанағаттандырылды.
- Үкім заңды күшіне енген жоқ.
Перизат Қайрат пен оның анасы Ғайни Алашбаеваға ҚР ҚК 190-бабы 4-бөлігінің 2-тармағы, 218-бабы 3-бөлігінің 3-тармағы және 2-бөлігінің 1-тармағы бойынша қылмыстық іс қозғалған. Прокурорлардың мәліметінше, 2021 жылдан 2024 жылға дейін Перизат Қайрат пен оның анасы 3,5 млрд теңгені қолма-қол шешіп алған.
