Búgin Aqordada Prezıdent N. Nazarbaevtyń tóraǵalyǵymen Qaýipsizdik Keńesiniń otyrysy ótti, - dep habarlaıdy «Qamshy» portaly.

Keńes otyrysynda 2015 jyly bekitilgen Qazaqstannyń ulttyq qaýipsizdik strategıasynyń negizgi baǵyttaryn júzege asyrý jaıy sóz boldy.

Elbasy N. Nazarbaev álemdik ekonomıkalyq qıyndyqtarǵa qaramastan memleket halyq aldyndaǵy áleýmettik mindettemelerdi oryndaýdyń barlyq joldaryn qarastyratynyn aıtty. Syn-qaterler men táýekelderdiń qatarynda Prezıdent ǵalamdyq faktorlardyń ekonomıkalyq ósimge yqpalyn, dinı-ekstremıstik jáne lańkestik sıpattaǵy qaterlerdi atap ótti.

Jıynda Qaýipsizdik Keńes hatshysy Nurlan Ermekbaev, Densaýlyq saqtaý jáne áleýmettik damý mınıstri Tamara Dúısenova, İshki ister mınıstri Qalmuhambet Qasymovtyń baıandamalary tyńdaldy.