5 naýryzdan bastap Shyǵys Qazaqstan oblysynyń Zaısan, Kúrshim, Tarbaǵataı aýdandary men Samara aýdanynyń turǵyndary jumys kúnin bir saǵat erte bastaıdy.

Shyǵys Qazaqstan oblysy Tarbaǵataı aýdanynyń ákimi Darhan Jórgekbaevtyń aıtýynsha, jumys ýaqytyn bir saǵat buryn aýystyrý ıdeıasyn barlyq 28 aýyldyq eldi mekenniń turǵyny ıaǵnı 18,4 myń adam qoldaǵan.

Zaısan aýdanynda 33 eldimeken bar, onda 35 myńnan astam adam turady. Zaısan aýdanynyń ákimi Aelıta Ahmetsálimqyzynyń aıtýynsha, ýaqytty ózgertý týraly usynysty halyq qýana qoldaǵan.

"Bul sheshimdi qabyldamas buryn ár aýyldyq okrýgte jıyn ótkizdik, turǵyndar bul ıdeıany qoldady. Óıtkeni Zaısan aýdany Shyǵys Qazaqstan oblysynyń shyǵys shekarasyna eń jaqyn ornalasqandyqtan, bul jerde kún erterek shyǵady. Sondyqtan jumys kúni saǵat 08:00-de bastalyp, 17:30-de bitse, balalarmen ýaqyt ótkizýge múmkindik bolady, – dedi Zaısan aýdanynyń Aelıta Ahmetsálimqyzy.