Qazaqstan Prezıdenti Nursultan Nazarbaevtyń sırek sýretteri bar fotojınaq jarıalandy, - dep habarlaıdy «Qamshy» portaly Tengrinews.kz – ke silteme jasap.

"Prezıdent: erkin rakýrs" ataýymen shyqqan kitapta Qazaqstan Prezıdentiniń sońǵy úsh jyl boıynda bolǵan sharalarǵa qatysqan kezindegi fotosýretteri jınaqtalǵan. Fotokamera obektıvine Memleket basshysynyń resmı kezdesýlerindegi sátter erkin rakýrspen túsirilgen. Bul fotojınaq memleket basshysyn basqa qyrynan kórýge múmkindik beredi.  

Aqordanyń baspasóz qyzmetiniń ókilderi jasaǵan fotojınaqtyń ekinshi bóliminde resmı BAQ-tarda jarıalanbaǵan sýretter bar. 

"Shaı ústinde... Jyl qorytyndysyn jasaǵan kez". Bul sýret fotojınaqta osylaı sıpattalǵan. Sýret ótken jyly Aqordada túsirilgen. 

"Al, seniń kostúmiń Qazaqstanda jasalǵan ba?". Memleket basshysynyń Astana ákimi Ádilbek Jaqsybekovpen jáne QR qorǵanys mınıstri Imanǵalı Tasmaǵambetovpen turǵan sýreti osylaı sıpattalǵan. Bul sýret 2015 jyldyń 1 jeltoqsanynda Astanadaǵy Ulttyq áskerı-patrıottyq ortalyqqa barǵannan keıin túsirilgen.

Bul sýret 2015 jyly Fransıada túsirilgen. Nursultan Nazarbaev Fransýa Ollandpen ekijaqty qujattarǵa qol qoıý rásiminiń aldynda. "Ózara tabysty áriptestiktiń sátti damýy men halyqtarymyzdyń dostyǵy úshin!". 

Nursultan Nazarbaev pen QR Prezıdenti Ákimshiliginiń jetekshisi Nurlan Nyǵmatýllın. Sýret Qazaqstan halqy birligi kúnine oraı uıymdastyrylǵan merekelik sharalardan keıin túsirilgen.  

Bul fotografıaǵa bylaı dep sıpattama jazylǵan - "Barlyq qazaqstandyqqa aıtarym: "Made in Kazakhstan" ózimizdiń otandyq taýarlardy satyp alý kerek". Memleket basshysynyń "Qazjeńilónerkásip-Almaty" JSHS-ǵa barǵan kezi.  

Fotojınaqtyń ekinshi bóliminde Memleket basshysynyń baspasóz qyzmetiniń ókilderi jasaǵan "Prezıdentpen birge ótken tórt kún" jobasy usynylǵan. Osy sýretter legi Nursultan Nazarbaevtyń elimizdiń qalalaryna jasaǵan tórt kúndik saparyn kórsetedi. №1 bortyndaǵy sýretter usynylǵan.  

Kitapta fotojınaqty Memleket basshysynyń baspasóz jetekshisi Dáýren Abaevtyń qurastyrǵany jazylǵan. Aıgerim Deńgilbaevanyń jáne Damır Ótegenniń sýreti qoldanylǵan. Fotojınaqtyń myń danasy shyqty.