Memleket basshysy Batys Qazaqstan oblysyna jumys sapary barysynda Qadyr Myrza Áli atyndaǵy mádenıet jáne óner ortalyǵynda bolyp, óner men mádenıet zalyn, kitaphanany jáne memorıaldyq kabınetti qarap kórdi, - dep habarlaıdy «Qamshy» portaly Aqordanyń baspasóz qyzmetine silteme jasap.

Sondaı-aq Nursultan Nazarbaev oblystyń shyǵarmashyl zıaly qaýym ókilderimen kezdesti.

Qazaqstan Prezıdenti álemdik ekonomıkanyń jańarýyna ǵylymı jetistikter men ınovasıalar negiz bolatynyn atap ótti.

Bizder jáne jas urpaq múlde basqa qurylymdaǵy ekonomıkanyń kýágeri bolatyn bolamyz. Buǵan eń aldymen bilim arqyly daıyndalýymyz kerek. Balalardyń boıyna mektep oryndyǵynan bastap ınovasıalyq turǵydan oılaý qasıetin darytý kerek. Bolashaqta búgingi mamandyqtarǵa qajettilik azaıady. Óıtkeni, qazirgi zamanda ǵylym óte jyldam damyp jatyr. Qazir basqa sıpattaǵy bilim qajet. Balalardyń erkindigi men shyǵarmashylyǵyna  kóbirek múmkindik berip, belsendi oılaý qabiletine qoldaý kórsetý kerek, – dedi N. Nazarbaev.

Shyǵarmashyl zıaly qaýym ókilderi Nursultan Nazarbaevqa júrgizip otyrǵan tatýlyq pen kelisim saıasaty úshin, eldiń túrli etnostarynyń mádenıeti men dástúrlerin saqtaýǵa qajetti jaǵdaı jasalǵany úshin alǵys aıtty.

Shyǵarmashylyq úıi ádebı-shyǵarmashylyq sıpattaǵy kezdesýler men konsertterdi, beıneleý óneri týyndylarynyń kórmesin, oblystyń jazýshylary men aqyndary shyǵarmalarynyń kitaphanasyn uıymdastyrý sıaqty túrli sharalar ótkizýge arnalǵan.