KTK telearnasynyń burynǵy basshysy, qoǵam qaıratkeri Arman Shýraev máslıhat saılaýyna ózderin usynǵan úmitkerlerdiń saılaý dodasynan alynyp tastalýyna qatysty pikir bildirip, el basshylyǵyn saılaýdy múldem ótkizbeı qoıýǵa shaqyrdy, - dep habarlaıdy «Qamshy» portaly.

Jýrnalıs bul týraly óziniń Feısbýktegi paraqshasynda jarıalady.  

«Men saılaýdy múldem ótkizbeı-aq qoıýǵa shaqyramyn. «Nur Otan» partıasynyń úmitkerlerin túgel depýtat etip bekite salaıyq. Sonymen is bitti. Qanshama mıllıardty únemdep qalamyz. Keıbir qyzý saılaý komısıalary saılaýdy kezekti farsqa aınaldyryp jatqany qynjyltady. «Nur Otannyń» jeńetini bárine túsinikti. Eger saılaý dodasyna ózgeshe pikir aıtqan bolsa, bul memleketke qater tóndire me?», - deıdi A. Shýraev.

Buǵan deıin birqatar belsendiler saılaýǵa óz kandıdatýralaryn usynǵan birneshe úmitkerdiń saıası dodadan saılaý komısıalarynyń sheshimimen alynyp tastalǵanyna narazylyq bildirgen bolatyn.