Búgin Qazaqstan halqy Assambleıasy atynan saılanatyn kandıdattar úshin daýys berýdi aıaqtady, - dep habarlaıdy «Qamshy» portaly QazAqparatqa silteme jasap.

«Saılaýshylardyń jalpy sany - 446 adam. Saılaý búletenderin alǵan saılaýshylardyń sany - 372. Daýys berýge 372 saılaýshy qatysty. Úmitkerlerge berilgen daýystardyń sany kelesideı: Ábdraxmanov Saýytbek Ábdraxmanuly - 345, Bojko Vladımır Karpovıch - 349, Jumadildaeva Natalá Vasılevna - 343, Kım Roman Ýhenovıch - 346, Mıkaelán Narıne Gamletovna - 336, Mýradov Ahmed Seıdarahmanovıch - 339, Nýrýmov Shaımardan Ýsaınovıch - 337, Tımoshenko Iýrıı Evgenevıch - 341, Hahazov Shakır Hýsaınovıch - 342», - delingen Astana qalalyq saılaý komısıasynyń xattamasynda.  «QR Saılaý týraly» QR Konstıtýsıalyq zańynyń 94-1 - babyna sáıkes, QHA saılaıtyn QR Parlamenti Májilisiniń depýtattaryn saılaý nátıjeleri QR Ortalyq saılaý komısıasyna joldanady. QR Parlamenti Májilisiniń depýtattyǵyna saılanǵan úmitkerlerdiń tizimin Ortalyq saılaý komısıasy 27 naýryzǵa deıin jarıalaýy tıis.

«Aldyn ala nátıjeler jarıalandy. Negizgi qorytyndysyn QR Ortalyq saılaý komısıasy shyǵarady. Búgin Elbasy Nursultan Nazarbaev Astanada QHA saılaıtyn QR Parlamenti Májilisi depýtattarynyń kezekten tys saılaýynda daýys berdi», - dep atap ótti Qazaqstan xalqy Assambleıasy Tóraǵasynyń Orynbasary Eraly Toǵjanov.

Aıta keteıik, QR Parlamenti májilisinde 107 depýtat bar, onyń 98-i partıalyq tizim boıynsha, 9-y Qazaqstan halqy Assambleıasy atynan saılanady.

Eske sala keteıik, 2 naýryz kúni QHA atynan 9 úmitker: Abdrahmanov Saýytbek Abdrahmanuly, Bojko Vladımır Karpovıch, Jumadildaeva Natalá Vasılevna, Kım Roman Ýhenovıch, Mıkaelán Narıne Gamletovna, Mýradov Ahmed Seıdarahmanovıch, Nýrýmov Shaımardan Ýsaınovıch, Tımoshenko Iýrıı Evgenevıch, Hahazov Shakır Hýsaınovıch tirkelgen bolatyn.