Bir kezderi sahnaǵa jarq etip shyǵyp, kóptiń yýstyq yqylasyna bólengen óner juldyzdarynyń bir toby búginde el nazarynan tys qalýda. Olardyń birshamasyn bylaıǵy jurt sahnadan kórýden qaldy.  Sol juldyzdar qazir qaıda júr? Nemen aınalysýda?

Bul suraqtyń jaýabyn  Baistars.kz ázirlegen sholýdan tabarsyz, bálkim.

Baqyt Shadaeva ónerdegi joly 1988 jyly bastaǵan. «Jas jiger» baıqaýyna qatysqan jas ánshi laýreat atandy. Stýdıany bitirgen soń memlekettik «Gúlder» ansambline joldama aldy. Shadaeva shyrqaǵan «Ańsa janym», «Jaýyn», «Almatym – sulý astanam», «Dostarym», «Ómir – arman» ánderi tyńdarman qaýymǵa keńinen tanymal. Desek te, ánshi sońǵy kezeri el aldyna kóp shyǵa bermeıtin bolǵan. Osy olqylyqtyń ornyn toltyrý maqsatynda Shadaeva jańa án jazyp, beınebaıan túsirýdi qolǵa alypty.

Qaırat Túntekov "Superstar kz" telejobasy juldyzyn jaqqan ónerpaz. Ekinshi jyly ótkizilgen jobada Qaıratty el tańdap, jeńimpaz qylady. Ánder jazyp, birneshe halyqaralyq án baıqaýlarynda óz baǵyn synap kóredi. Biraq 2013 jyly ánshiniń qatysýmen jol apaty oryn alady. Ánshi masań kúıde kólik júrgizgeni jáne qujattary durys emestigi anyqtalady. Osy kólik qaqtyǵysy el nazaryna iligip, ánshiniń abyroıyna nuqsan kelgen bolatyn. Mine, sodan beri Qaırat kógildir ekrannan kórinbeı ketti.

«Nurlan men Murat» toby 2000 jyldary erekshe tanymal edi. Toptyń "Juldyzym", "Shashy uzyn qyz", "Láılá", "Jaýlap aldy mahabbat" ánderi hıt edi. Toptyń ǵumyry uzaqqa barmaı, Nurlan men Murat eki jaqqa ketedi. Al Murat 2007 jyly ánshi-sazger, gıtarashy Ulyqpan Joldasovtyń bastamasymen qurylǵan  «Kaspıı» tobyna quramynda án salady. Ýaqyt óte kele, "Kaspıı" toby da tarqaıdy. Qazirgi kezde Nurlan men Murat qaıta birigip, baıaǵy tanymaldyqtaryn qaıtarǵysy kelip júr.

Syrym Isabaevty "Men seni súıedi ekenmin", «Aq gúlder», «Kekildi qyz», ánderi arqyly halyq jaqsy tanıdy. Ol qazirgi kezdegi eń tanymal ánshilerdiń biri Qaırat Nurtaspen birge «Beker-aq jolyqqan ekenmin», «Qımaımyn», «Jas dáýren» syndy ánderdi dýet bolyp oryndaǵan bolatyn. Talaı qyzdyń armany bolǵan Syrym 2012 jyly shańyraq kóteredi. Al 2011 jyly Syrym «Alyp qashý opersıasy» atty fılmde basty roldi somdaıdy. Qazirgi ýaqytta Isabaev myrzany halyq múlde kórmeı ketti.

"Aq kelin" ánimen talaı qyzdy "uzatqan" ánshi Gaýhar Álimbekovanyń daýysyn estimegeli biraz jyl boldy. "Shaqyrsa boldy, júgirip baratyn nemese: «kópten beri shaqyrmaı kettińder ǵoı», – dep ózi habarlasyp, suranyp efırge shyǵatyn ánshilerdi de bilemin. Bul durys emes. El bizdi qalaı qurmettese, olardyń patsha kóńiline biz de sondaı qurmetpen qaraýymyz kerek" -deıtin ánshi halyqqa renjidi me, múlde sahnadan kórinbeı ketti.

Kóptegen hıt ánderdiń oryndaýshysy, ásem ánderimen halyqtyń júregine jol taba bilgen Asqar Júnisbekov qaıda júrgeni beımálim. Ol "Hat jazyp tur", "Tolǵanaı", "Perishtem", "Aq qaıyń" sıaqty úzdik ánderdi usynǵan ánshini halyq saǵyndy.

Ánshi, aktrısa, ánder avtory, QR eńbek sińirgen qaıratkeri, «Múzıkola» tobynyń ánshisii Karına Abdýllına turmys qurǵannan keıin ánshiligin ysyryp qoıdy.  2015 jyly dúnıege ul bala ákelgen ánshi sahnadan ýaqytsha ketetindigin aıtqan. "Balany dúnıege ákelý men úshin jaýapty qadam. Estradada sátti karera jasadym, endi ózimdi bala tárbıesine arnaı alamyn", - dedi Karına. Ánshi qaıtadan ónerge keledi ma, joq pa ony ýaqyt kórsetedi.

Jeke bıznesin qolǵa alǵan ánshi Dınara Qyryqbaeva sahnadan alys ketti. Kásipkerlik isi alǵa dóńgeletken Dınara jeke ómirine kóńil bólgen-di. Búginde ol - jas ana. Qyzy Aıshanyń qyzyǵyna toımaı júrgen ánshi ánshiligin tastap ketken syńaıly. Desek te, qylyqty qyzdyń ánderi tyńdarmandarynyń esinde.

"Men qazaqpyn" dep bar qazaqty patrıottyqqa shaqyrǵan ánshi Erbolat Qudaıbergenovti el áli umyta qoıǵan joq. Jastardy erekshe ánderimen baýrap alǵan Erbolattyń kóptegen ánderi hıt bolǵan-dy. Desek te, ánshi qazir sahnada emes, jeke stýdıasynda jumys istep júrgen eken.

2000 jyldary tanymal bolǵan "NNBek" toby da sahnadan alys ketti.  Tyńdarmandarynyń júregine «Qyzdar-aı» ánimen jol taýyp, kezinde hıt sherýdiń alǵashqy satysynan kóringen top 2014 jyly jańa qurammen, jańa beınebaıanmen kórermen aldyna shyǵady degen. Biraq, halyq toptyń jańa ánderin estimedi.