Osydan dál bir apta buryn 31 mamyrda qazaqstandyq BAQ-tar Almaty oblysyndaǵy «Arqankergen» shekara beketinde onnan asa shekarashynyń qaza tapqany jaıly sýyt habar taratty. Sol kúni buryn -sońdy eshqashan bolmaǵan jáne áli kúnge deıin naqty anyqtalmaǵan qaıǵyly jaǵdaıǵa baılanysty alǵashqy resmı málimdeme jasaldy. 

«Qazirgi ýaqytta janyp ketken 13 adamnyń, posttyń janynda ornalasqan ańshylyq sharýashylyǵy qoryqshysynyń deneleri tabyldy. UQK jáne İİO, shekara qyzmetiniń kúshimen jedel izdestirý sharalary júrgizilýde», - dedi arnaıy uıymdastyrylǵan brıfıń barysynda QR UQK shekara qyzmeti dırektorynyń birinshi orynbasary Turǵanbek Smatbekov. Sol kúni UQK baspasóz qyzmeti jazǵy ýaqytta 15 shekarashy kúzetken oryndaǵy ǵımarattyń úıindisinen olardyń qarý -jaraqtary tabylǵanyn málimdedi. Kelesi kúni, 1 maýsymda jantúrshigerlik oqıǵaǵa qatysty taǵy bir málimet jarıalandy. Shekara beketinde taǵy eki sarbazdyń súıegi tabyldy, dep habar taratty Ulttyq qaýipsizdik komıteti shekara qyzmetiniń baspasóz qyzmeti. Keıinirek «taǵy bir qaza tapqan áskerı qyzmetshiniń múrdesi beketten júz metr jerden tabylǵan. Onyń bas kıimi, ústinde jyly kúrteshesi jáne dúkenge arnalǵan sómkesi bolǵan» degen aqparat jetti. Shekara beketindegi azamattardyń jappaı qaza tapqany buhara halyqty alańdatqany anyq. Barlyǵynyń oıynda jalǵyz saýal –mundaı qylmysty kimniń jasaýy múmkin jáne taǵy bir shekarashynyń taǵdyry ne boldy... Oryn alǵan oqıǵaǵa baılanysty memleket basshysy Nursultan Nazarbaev quqyqqorǵaý organdary basshylarymen kezdesip, bul jaǵdaıdy «terorıstik akti» dep atap ótti. «Men bul oqıǵany terorıstik akti dep esepteımin. Bul ishki qaqtyǵystyń nátıjesinde bolýy múmkin. Biraq bul týraly aıtýǵa áli erte. Qazirgi belgili málimetter boıynsha shekarashylardyń kazarmasy men ofıserler turatyn úı órtengen, qaza bolǵandardyń máıiti sol órtengen úılerdiń astynan tabyldy. Mundaı oqıǵalar beıbitshilik jaǵdaıynda bolýdyń mán-jaıy nede ekenin biz áli tekseretin bolamyz», dep atap kórsetti Prezıdent. Sondaı –aq, memleket basshysy máseleniń anyq-qanyǵyn tergeý úshin arnaıy komısıa qurylǵanyn jetkizdi. Tótenshe oqıǵaǵa baılanysty Bas áskerı prokýratýra qylmystyq is qozǵady. Ortalyq jáne jergilikti quqyq qorǵaý organdary mán-jaıdy anyqtaý jáne boljanǵan qylmyskerlerdi ustaý úshin barlyq qajetti jumystardy júrgizýde» dedi memleket basshysy. Áskerı prokýratýra qylmystyq is qozǵady, úkimetke opat bolǵan shekarashylardyń otbasyna qoldaý kórsetýge tapsyrma berildi. Sot- medısınalyq saraptama nátıjesinde shekarashylardyń súıeginen alkogól tabylmaǵanybelgili boldy. «Qazir Astanada jasalǵan sot-medısınalyq saraptama nátıjesinde «Arqankergen» shekara beketinde qaza tapqan barlyq áskerılerdiń jáne qoryqshynyń súıeginen alkogól tabylmaǵany belgili boldy», dep habarlady QR UQK SHQ. On besinshi shekarashynyń taǵdyry sońǵy ýaqytqa deıin belgisiz bolyp keldi. QR Prezıdenti shekarashylardyń qazaǵa ushyraýyna baılanysty 5 maýsymdy ulttyq aza tutý kúnidep jarıalady. Osy kúni Almaty oblysyndaǵy «Arqankergen» shekara beketinde qaza tapqan shekarashylardyń qaı óńirlerden shaqyrylǵany jarıalandy. Keıinirek QR İİM Q.Qasymov kúnniń basty jańalyǵyn habarlady: «Keshe keshke qaraı qystaqtardyń birinen 15-shi shekarashy tabyldy. Ol azamattyq kıimde boldy. Odan jaýap alyndy, túsinikteme berdi. Tergeý jumystaryna kedergi keltirmes úshin anyq-qanyǵyn aıta almaımyn. Onyń bergen jaýaby tekserilip jatyr. Tergeý júrgizilýde, onyń psıhıkalyq jaı-kúıin de tekseremiz. Meniń oıymsha, bul jaǵdaı ishki máselelermen baılanysty degen boljam rastalatyn sıaqty. Ol komandırdiń qarýymen ustalyp otyr, sol kúni kezekshilikte bolǵan, osynyń bárin ol ózi aıtyp, túsindirip otyr», - dep qosty ol. Osydan keıin halyqqa UQK «Arqankergen» beketinde qazaǵa ushyraǵan shekarashylyrdyń tizimi belgili boldy. Órttiń shyǵý sebepterin tekserý úshin saraptama taǵaıyndaldy. «Biz sot saraptama jumysymen baılanysty órt-tehnnıkalyq saraptama júrgizip jatyrmyz. Biz qandaı da bir boljam aıt almaımyz, biz bar bolǵany osy saladaǵy biliktiligimizdi kórsetemiz. Saraptama jaqyn kúnderi aıaqtalady, aıta ketý kerek qalyń órttiń saldarynan birqatar nysandar, toq symdary da jalynnyń sharpýyna ilikken. Saraptama jumystary osynyń saldarynan qıyndaı tústi», dedi Sot saraptamalyq ortalyǵynyń dırektory Bókenbaı Bıshmanov. Sondaı- aq, ol 8 maýsymǵa qaraı saraptama qorytyndysy belgili bolatynyn jetkizdi. BAQ kún saıyn aty shýly oqıǵaǵa qatysty rastalmaǵan derekterdi jarysa jarıalady. Aty -jóni belgisiz derekkóz Vladıslav Chelah degen qatardaǵy jaýyngerdiń áriptesterin qyryp salǵanyn, qazir ol túsinik berip jatqanyn málimdedi. Qoǵamda  túrli boljam aıtylyp jatqanda, shekarashylarmen birge qaza tapqan 47 jasar qoryqshy Rýslan Kımniń denesi jer qoınaýyna tapsyryldy. QR Bas prokýrorynyń orynbasary Iogann Merkel BAQ ókilderine shydamdylyq tanytyp, resmı aqparat kútýge shaqyrdy. Qazir Qazaqstannyń ár túkpirinen qazaǵa ushyǵarǵan shekarashylardyń otbasylaryna kómek kórsetilýde. Shekarashylar áriptesteriniń otbasylaryna materıaldyq kómek kórsetý maqsatyndabir kúndik jalaqylaryn aýdaryp, 30 mln teńge jınady. Almaty oblystyq ákimshiliginiń sheshimimen kelisim shartpen áskerde bolǵan úsh azamattyń otbasyna 1 mln teńge kóleminde kómek kórsetýshe sheshim qabyldandy. Sonymen qatar, Aqtóbe oblysynan ásker qataryna shaqyrylǵan Aǵanas Qambar men Álı Maqsutovtyń otbasyna da osynsha mólsherde kómek berildi.

Derek: Bnws.kz