31 arnada tańǵajaıyp «Ertuǵryl» telehıkaıasynyń ekinshi maýsymy bastalady. Bul telehıkaıa kórermendi tarıh qoınaýyna súńgitip, Osman ımperıasynyń qalyptasý kezeńi, uly kósh, jańa jerlerdi jaýlap alý, tarıhı joryqtar jáne ǵajaıyp ǵashyqtyq hıkaıalaryna kýá etedi.
Túrkıanyń ózinde telehıkaıanyń birinshi bólimi barlyq telearnalardy jaryp, reıtıńtiń kóshin bastaıdy. Túrkıanyń áleýmettik jeli qoldanýshylary ony «Taqtar oıyny» telehıkaıasymen salystyrǵan. Kartınada İ Osmannyń ákesi Ertuǵryldyń ómiri jáne Osman ımperıasynyń qurylý tarıhy baıandalady. Ertuǵryl Qaıy taıpasynyń túrik-oǵyz rýynyń kósemi. Ol Rým seljuqtaryna vızantıalyqtarǵa qarsy kúreste kómektesý úshin 400 qolmen Merveden (Túrkimenstan) Anadolyǵa keledi. Osydan bastap oqıǵalar jelisi órbip, Osman ımperıasynyń qurylýyna sebep bolady.
Aıtqandaı, osy jyldyń tamyz aıynda Ertuǵryl týraly telehıkaıanyń Stambýldaǵy túsirilimine qazaqstandyq Nomad Stunts kaskaderler toby da qatysady. Ol túriktiń Tekden Film kınokompanıasymen seriktestikti osydan eki jyl buryn bastaǵan. Ol kezde qazaqstandyq kaskaderlerdi kúrdeli trúkterdi oryndap, akterlerdi telehıkaıaǵa daıyndaý úshin shaqyrǵan bolatyn. Al bıyl, top jetekshisi Jaıdarbek Kúnǵojınovtyń aıtýynsha, «Ertuǵryldyń» prodúserleri burynǵydan da qıyn ári qaýipti sahnalyq kórinisterdi beıneligisi keledi eken.
- «Ertuǵryldyń» jalǵasy Stambýlda túsiriledi, - deıdi Jaıdarbek Kúnǵojınov. – Biz bıyl kóptegen urys kórinisterin Qazaqstanda túsirgimiz kelgen. Alaıda Túrkıada ekinshi fılmniń túsirilimi bastalyp ketkendikten úlgere almadyq. Biraq bizdiń ortaq josparymyz bar. Kelesi jyly «Ertuǵryldyń» urys kórinisterin Qazaqstanda túsiremiz dep oılap otyrmyz. Prodúser túsirilimge arnalǵan jerlerdi kórdi. Men oǵan taýdyń, dalanyń sýretterin kórsettim. Birden unatyp qaldy.
Telehıkaıanyń prodúseri ári senarısti Mehmettiń Bozdagtyń aıtýynsha, Ertuǵryl barlyq ımperıalyq kúshpen basyp alynǵandardy Anadolyǵa jınap, 400 shatyrly qala turǵyzǵan. Ertuǵryl armanyna jetemin dep júrip, álemge jańa mádenıet syılady. Ol álemdi ózgertken memlekettiń irgetasyn qalady. Al biz óz hıkaıamyzda halyqtyń taǵdyryn ózgertken jannyń qaısar minezi, sıqyrly mahabbaty jáne ádiletke jegen ińkárligi týraly sóz etemiz», - deıdi rejıser.
Aıta keteıik, telehıkaıanyń túsirilimine daıyndyq kezeńi bir jylǵak sozyldy. «Bul ýaqyt ishinde biz senarıdi, dekorasıalardy, kostúmderdi jáne basqa da qajettilikterimizdi daıyndadyq. Sheteldik at akrobattarynyń, ekshnniń, bı toptarynyń jáne áskerı jasaqtardyń kómegimen 13-shi ǵasyrǵa sáıkes keletin kórinis jasap, túsirilimdi óz kestemizge yńǵaıladyq, - deıdi Mehmet Bozdag.
Telehıkaıa qamtylǵan aýqymy jaǵynan eń úzdik gollıvýdtyq epopeıalardan qalyspaıdy. «Ertuǵrylda» negizgi 30 keıipkerlerden ózge qosymsha akterler bar. Olardyń sany myńǵa jýyqtaıdy. Túsirilim tobynyń ózi 250 adamnan turady. Sol kezeńge sáıkes keletin eki shoqynyń dekorasıasyn, sonymen birge túsirilimge arnalǵan kostúmderdiń barlyǵyn Riva jáne Kundura sıaqty iri fabrıkalar daıyndaǵan. Sonymen qatar, kostúmder men dekorasıalar úshin 4 myń metr mata qoldanylǵan. Kóptegen kostúmder men áshekeıler fólklorlyq ansamblder qoldanatyn aksesýarlardan alynǵan. Onyń barlyǵyn Túrkıanyń mańynan jınaǵan. Al aǵash buıymdardyń barlyǵy qoldan jasalǵan. Onyń ústine, tek qana dekorasıa men kıim-keshek jasaýǵa 60 adam jumyldyrylǵan.
Bizdiń Nomad tobymyz telehıkaıa úshin túsirilgen 25 atty tusaýlady. Qaraquıryqtar, túıeler, qoılar, eshkiler, bulbuldar jáne shilder – telehıkaıadan sizder kóretin 50-ge jýyq jan-janýarlardyń bári akterlik kastıng arqyly tańdalǵan. Túsirilim kezinde janymyzda mal dárigeri boldy. Al teatr akterleri úshin túsirilim alańynda jedel járdem kóligi únemi kúzette turdy.
Riva fabrıkasy jalpy sany 40 myń sharshy metrlik shatyrdy jasap shyǵardy. Onyń ishinde 600 sharshy metrlik Súleımen Shahtyń shatyry, sonymen birge Ertuǵryldyń kóshin quraıtyn, 13-shi ǵasyrǵa chsáıkes keletin basqa da 35 shatyr bar.
Al Kundura fabrıkasy aýmaǵy 11 myń sharshy metr bolatyn bútin sırıalyq qala – Aleppony (Halep) turǵyzdy. Onyń ishinde, Aleppo saraıy men onyń qonaq bólmelerin, sonymen qatar seljuqtardyń qosyn, tamplıer sarbazdarynyń bekinisin, onyń zaldary men bólmelerin sol dáýirdiń qurylys nysandarynyń aınymaǵan kóshirmesin jasap shyǵardy.
Sondyqtan «Ertuǵryldy» - tek qana túrik emes, sondaı-aq álem kınematografıasy tarıhyndaǵy eń aýqymdy jobalardyń biri deýge bolady.
31 arnadan tamashalańyzdar! Baǵdarlamany ótkizip almańyzdar!
