2015 jyly 12 jeltoqsanda Taldyqorǵan qalasy Kóksý aýdanynda áýesqoı «Samǵa» jastar teatry aýdan ákimshiligi mádenıet salasynyń qoldaýymen qurylyp, jetekshisi retinde Amangeldi mádenıet úıiniń dırektory Fatıh Aqynuly taǵaıyndalǵan bolatyn.
Arnaıy irikteý arqyly jınaqtalǵan teatr quramy alǵash ret ótken byltyr 29 jeltoqsanda Kóksý aýdanynda Aqyt Úlimjiulynyń «Sholaq qol áıel» qıssasy jelisindegi alǵash qoıylymynyń tusaýyn kesti. Ǵıbratty qoıylym el júregin tebirentti jáne ázil ysqaqtar da el kóńilin kóterip, asqaq ánder shyrqaldy. Ózdikterinen tyń bastama shyǵarmalarmen tusaý keser ótkizgen ónerpazdarǵa aýdan basshylyǵy áry qaraı qoldaý tanytatyndary aıtyldy. Myqtybek Raqymbek degen azamat qoıylymdy joǵary deńgeıde bolǵanyna razy bolyp, oblysta ótkizýine qarjylaı kómek berdi.
2016 jyly qańtarynda teatr oblystyq İlıas Jansúgirov saraıynda rejıser Musa Ájibekovtiń kómegimen belgili dramatýrg Lıa Igemberdıevanyń shyǵarmalarymen kesh shymyldyǵyn ashty. 700 adamdyq zal lyq toly, kórermen qoldaýlary kózderinde oty bar teatr jetkinshekterin qanattandyryp jiberdi. Keshtiń qurmetti qonaqtary mádenıet maıtalmandary men teatr óneriniń ardagerleri ottaı laýlaǵan jetkinshek ártisterge qatty tań qalysty. Az ýaqyt ishinde mundaı shyǵarmalardy sińirip, qoıylym rólderin joǵary deńgeıde oryndaýlarynyń syry tabıǵı talant ekenderin jarysa aıtyp madaqtasty. Bolashaǵynan zor úmit kúttiretin teatr bolatynyna senimderyn aıtty.
Ary qaraı jaqyn aýdandar men aýyldardy aralap qoıylymdaryn jalǵastyrǵan teatr ónerpazdary qosymsha, oblystyq, respýblıkalyq án baıqaýlarynda da bas júlde, birinshy oryndardy ıelense, aýdan oblystyq aqyndar aıtysynda da bas júlde, birinshi, ekinshi, úshinshi oryndardy bermeı keledi. Ókinishke oraı, qarjylyq daǵdarysqa baılanysty Kóksý aýdany teatrdy qarjylaı jaǵynan, kıim jaǵynan kómek kórsete almaıtynyn aıtyp ýaqytsha toqtatý týraly sheshim shyǵardy. Jáne zań boıynsha shtat alýǵa eki jyl ketedi, eki jyl boıy qarjylandyrý múmkin emes jáne jumys júrgizý zańsyz bolatyn kórinedi. Úkimetke tiremeımiz dedi.
Fatıq Aqynuly órimdeı ónerpazdardyń bulaı dalada qalyp qalýyna kúıinip oblystyq shyǵarmashylyq ortalyǵynan da baryp keńes surady. Bári de birden shtat berilmeıdi, eki jyl kútýdi aıtty jane qarjylandrý múmkin emesin túsindirdi. Qazirgi tańda bul teatr ózdiginen talaptanyp árbir mekemelerden ýaqytsha oryn surap alyp, ár jerde daıyndyqtaryn jasap, qoıylymdaryn qoıyp, kúnderin kórýde. Fatıq Aqynuly ýáde bergen teatryna bastamashy bolyp júgirip júrip, óz qyzmet ornynan da talaı ret eskertý sógisterin alyp úlgerdi. Keıde teatrdyń qajettilikterin alý úshin azǵantaı aılyǵyn da salyp júrgen jaıy bar. Talaı danyshpandar «Tasta qaıtesiń, qyzmetińdi istep júre berseńshi» deıdi. Biraq taýdan aqqan tas bulaqtaı qaınap shyqqan balalardy qaraýsyz qaldyryp ketkenim adamgershilik emes qoı, olar alǵash kelgende birinshi Allaǵa, ekinshi maǵan senip keldi, osy aradan ónermizdi damtysaq dedi, endi qara basymnyń qamy úshin ýáde buzsam adamgershilik bolmas dep ózine jeke qalǵan teatrymen birge qıyndyqty kúnderdi birge ótkizýde. Armandary shirkin kıim-keshek jaǵynan daıyndyqtaryn júrgizetin oryn jaǵynyn qoldaýlar bolsa az da bolsa, demeýshilik bolsa, bul ónerdi jalǵastyrýǵa baryn salǵysy keledi. Amal ne, qysqa jip kúrmeýge kelmeı-aq júr, áıtpese, óskeleń urpaqtyń rýhanı jetilýine, mádenı muralarymyzdy sahna tórinen nasıhattaýǵa qulshynys zor.
Erlan Tóleýbaı
