Shymkentte bir otbasy tirideı órtke orandy. Keıin belgili bolǵandaı, otyz jastaǵy otaǵasy ózimen qosa, áıeli men jeti jasar ulyn órtep jibergen. Onyń mundaı áreketke barýyna, januıadaǵy janjal sebep bolǵan degen boljam bar. Otyz jastaǵy úı ıesi, otbasyndaǵy urys - keristen keıin, benzınmen úıin jaǵyp jibergen. Qazir, tótenshe jaǵdaıǵa tap bolǵan otbasy músheleri, aýyr halde aýrýhananyń jansaqtaý bóliminde jatyr.

Onyń denesiniń 80 paıyzyn kúıik shalǵan. Áıeli men ulynyń hali de óte aýyr. Esin jıǵan enesiniń denesiniń 22 paıyzy kúıip qalǵan,- deıdi dárigerler. Oǵan psılohologıalyq kómek qajet. Aıtýlarynsha, aýyr kúıik shalǵan otbasy músheleriniń jaǵdaıy ázirge qıyn. Onyń ústine múgedek bolyp qalýdyń da qaýpi bar ekenin aq halattylar jasyrmaıdy. Otaǵasynyń óz qolymen otbasyn o dúnıege attandyrmaq bolýyna ne sebep bolǵanyn, qazir, quzyrly organdar anyqtap jatyr. Dárigerler óńirde ózin - ózi órteý oqıǵalary kóbeıgenin aıtady. Ótken aptada 30 jastaǵy azamat ózin -ózi órtep, kóz jumǵan bolatyn.

"31" telearna