Respýblıka boıynsha bir táýlikte sýǵa ketken 5 er adam men 3 balanyń máıiti tabyldy.

Bul týraly QR TJM-niń baspasóz qyzmeti habarlady.

Almaty oblysynyń Qarasaı aýdanyndaǵy Eńbekshi aýylynda 02 ózeninde 18 maýsym kúni saǵat 15.15-te sýǵa túsý kezinde 14 jasar bala batyp ketti. QR TJM Almaty oblysy boıynsha TJD sýdan-qutqarý qyzmetiniń kúshimen (3 adam men 1 tehnıka) saǵat 18.38-de máıit sýdan shyǵaryldy.

Taldyqorǵan qalasynyń «Úıtas» saıajaı qaýymdastyǵynda keshe saǵat 13.00-de 2 jasar bala abaısyzda aryqqa  qulap, batyp ketti. Polısıa qyzmetkerlerimen balanyń máıiti jaǵaǵa shyǵaryldy.

Aqmola oblysynyń Atbasar qalasynda, Jabaı ózeninde 18 maýsym kúni saǵat 19.59-da sýǵa túsý kezinde 7 jasar bala men 55 jastaǵy er adam batyp ketti. 19 maýsymda saǵat 02.00-de jergilikti turǵyndarmen máıitter sýdan shyǵaryldy.

Qostanaı oblysynyń Qarabalyq aýdanyndaǵy Podgorodka kenti mańynda Úı ózeninde 17 maýsym kúni saǵat 16.00-de sýǵa shomylý kezinde 46 jastaǵy er adam batyp ketti. Onyń máıitin sýdan jergilikti turǵyndar kelesi kúni saǵat 18.00-de shyǵardy.

Mańǵystaý oblysynyń Aqtaý qalasynda, Kaspıı kólinde 17 maýsym kúni saǵat 19.23-te sýǵa túsý kezinde 19 jasar jas jigit batyp ketti. QR TJM Mańǵystaý oblysy boıynsha TJD sýdan-qutqarý qyzmetiniń kúshimen (10 adam men 2 tehnıka) 8 maýsym kúni saǵat 16.40-ta onyń máıiti sýdan shyǵaryldy.

Soltústik Qazaqstan oblysynyń Esil aýdanyndaǵy Pokrovka aýylynda Gorbatoe ózeninde 18 maýsym kúni saǵat 04.15-te balyq aýlap júrgen 35 jastaǵy er adam qaıyqtan qulap ketip, sýǵa batyp ketti. QR TJM Soltústik Qazaqstan oblysy boıynsha TJD sýdan-qutqarý qyzmetiniń kúshimen (4 adam men 1 tehnıka) saǵat 08. 40-ta er adamnyń máıiti jaǵaǵa shyǵaryldy.

Soltústik Qazaqstan oblysynyń Sergeevka qalasyndaǵy Esil ózeninde 18 maýsym kúni saǵat 16.00-de sýǵa túsý kezinde 50 jastaǵy er adam batyp ketti. Onyń múrdesi saǵat 16.21-de shyǵaryldy.