Kóptegen qyz-kelinshekterge kúndelikti paıdalanyp júrgen azyq-túligimizdiń, ásirese, sút taǵamdary, kókónis, túrli jemister men suıyq maılardyń kosmetıkalyq maqsatta qoldanylatyny belgili de bolar. Áıtse de olardy ózine tán erekshelikteri men quramyn, paıdalaný jolyn bilgen jón.
Jumyrtqa
Bet terisiniń keńigen sańylaýlaryn taryltyp, nárlendiredi, jumsartady. Shıki jumyrtqany jaryp, ábden ezgen soń bet pen moıynǵa jaǵyńyz da 20 mınýt jata turyńyz. Sonan soń jyly sýmen jýyp tastańyz. Muny shash kútimine de paıdalanady.
Sháı
Sharshap, qabaǵyńyz isip júrse, salqyn shaıǵa malynǵan maqta túıinin kózińizdiń ústine qoıyp, 15 mınýt demalyńyz. Paıdalanylǵan samany tógip tastamaı, qaınap turǵan sýǵa salyp birneshe mınýt qaınatyp alyńyz. Jýylǵan basty samasy súzilgen osy shaı sýymen shaısańyz, shashyńyzdyń jyltyrap turatyn qasıetin qalpyna keltiredi.
Tuz
Azǵana tuz salynǵan jyly sýmen kózińizdi jýsańyz, janaryńyz jyltyrap shyǵa keledi. Al, osyndaı tuzdalǵan jyly sýǵa salynǵan maqtany kózińizdiń ústine qoıa tursańyz, qabaqtaǵy isikti basady. Tuzdy vana aıaq sharshaǵanda da jaqsy kómektesedi.
Maısana maıy
Maısana maıymen shashty emdeıdi. Túnge qaraı shashqa ábden sińire jaǵyp, erteńine jaqsylap jýý kerek. Maısana maıyn sondaı-aq kirpikke de jaǵýǵa bolady. sonda kirpik qońyrlaý tús alady.
Bal
Betke jaqqanda teri jumsaryp, jibekteı bolady. Maıly betke paıdalaǵanda jumyrtqanyń aǵyn (ezilgen) arlastyryp, al qurǵaq betke sút nemese kilegeı qosady. Sondaı-aq vanaǵa túskende bal qossańyz sharshaǵanyńyzdy tez basyp, uıqyny retke keltiredi.
Qıar shyryny
Terini tazartýmen birge qataıtady da (qıardyń bir tilimin paıdalanýǵa bolady).Bul ásirese, maıly betke paıdaly. Úkkishpen úgilgen qıarǵa sút qosyp maska jasaýǵa bolady. Mundaı maska betti jasartady, ásirese, kún astynda (qyzdyrynǵanda) kóp júretinder úshin óte tıimdi.
Kartop
Teriniń kemshilikterin joıýǵa kómektesedi. Ásirese, ekzemaǵa paıdaly qasıeti bar. Kartop terini tazartady, qataıtady, kóz aınalasyndaǵy isikti basady. Ol úshin kartopty úkkishpen úgip, sýyn bet pen qolǵa jaǵady. Qabaqqa shıki kartoptyń bir tiligin nemese úkkishten ótkizip bassa jaqsy áser etedi.
Oramjapyraq
Quramy túrli baǵaly mıneraldy zattarǵa baı kapýsta teri úshin naǵyz nárlendirgish bolyp eseptelinedi. Ony azǵana sýǵa qaınatyp, salqyndaǵan soń sýyn jýynýǵa paıdalanasyz.
Apelsın
Qabyǵyn keptirip, usaqtap týrap alyńyz da betke arnalǵan kez-kelgen maskaǵa paıdalanyńyz.
Sábiz
Qurǵaq ári sezimtal terige jaqsy áser etedi. Ol úshin sábizdi pisirip, salqyndatqan soń úkkishpen úgip, betke jaǵyńyz.
Aıran
Terini qalpynda ustaýǵa qajetti túrli fermentterge baı. Terini tazartýda óte tıimdi, ásirese maıly bet úshin taptyrmaıtyn ádis. Vanadan soń aırannan maska jasap,20 mınýttan keıin jyly sýmen shaıyp tastańyz. Aırannyń shashtyń túbin bekitýge de paıdasy zor. Ol úshin bas jýar aldynda shashqa sińire jaǵady.
