Ǵylymda "Tekýmse qarǵysy" degen termın bar. Bul uǵym Shaýnı Tekýmse taıpasy kóseminiń aqtar qyzyl terilerdiń jerin basyp alǵanda aıtqan sózimen baılanysty ańyzdan shyqqan. Osy ańyzdan shyqqan nanymǵa sáıkes, AQSH-tyń keıbir Prezıdentteri ókilettik laýazymyn aıaǵyna deıin jetkize almaı, kóz jumǵan desedi. Alaıda bul qarǵys tek jeti Prezıdentke ǵana áser etedi degen senim bar. Iaǵnı, Prezıdentter jeti ret aýysqanda qarǵystyń kúshi álsireıtin kórinedi.    

"Tekýmse qarǵysyna" AQSH tarıhynda mynandaı saıasatkerler ushyraǵan desedi:

Ýlám Genrı Garrıson.  1800 jyly úndisterdiń 12 000 sharshy shaqyrym jerin tartyp alyp, 1811 jyly Tıppekaný túbinde jergilikti taıpalardy qyryp tastaǵan. Sóıtip ol 1840 jyly AQSH Prezıdenti bolyp saılanady. Biraq saltanatty túrde taqqa otyrǵan soń bir aı ótkende kóz jumǵan.

Avraam Lınkoln. 1860 jyly saılanyp, 1864 jyly qaıta saılaýǵa túsedi.  Bir jyl ótkende qaza tapqan.

Djeıms Garfıld. 1880 jyly Prezıdent bolyp, 1881 jyly óltiriledi.

Ýılám Mak-Kınlı. 1900 jyly qaıta saılanyp, bir jyl ótkende óltiriledi.

Ýorren Gardıng. 1920 jyly saılanyp,  úsh jyldan soń qaıtys bolǵan.

Franklın Rýzvelt. 1932 jyly Prezıdent atanyp, 1936, 1940, 1944 jyldary qaıta saılanǵan. 1945 jyly kóz jumǵan.

Djon Kennedı. 1960 jyly saılanyp, 1963 jyly qylmysker qolynan qaza tapqan.

Al odan keıin el basqarǵan Ronald Reıgan (segizinshi tulǵa) 1981 jyly ózine jasalǵan qastandyqtan aman qalyp, 1989 jylǵa deıin el basqarǵan.

Toǵyzynshy tulǵa Kishi Djordj Býsh 2000 jyly saılanǵan. 2004 jyly ekinshi merzimge ótken Býsh 2005 jyly Grýzıaǵa barǵan saparynda qastandyqqa ushyraıdy. Oǵan granata tastalǵan. Alaıda Býsh tiri qalǵan.

Dana Qamshybek