Keıbir memleketterde belgili bir sheneýniktiń qol astynda qyzmet isteıtin jas kelinshekke nemese boıjetkenge qyryndaǵany týraly aqparattar anda-sanda qylań beretini ras. Keıbireýler óziniń beıádep júrisin moıyndasa, ózgeleri laýazymyna senip, moıyndamaýǵa tyrysady. Álemdegi alyp memlekettiń biri demokratıalyq AQSH-ta áıeldermen baılanysy kópshilikke jarıa bolǵannan keıin óz erkimen qyzmetten ketken joǵary laýazymdy sheneýnikter kimder? Endi soǵan toqtalaıyq.

Ońtústik Karolına gýbernatory  Mark Sanford 2009 jyldyń 24 maýsymynda kóńildesimen kezdesý úshin Argentınaǵa barǵanyn jeti kún ótkende moıyndapty. Óziniń 4 balasy bola tura Argentınadaǵy jas kelinshekpen segiz jyl boıy kezdesip júripti. "Meniń bul isim durys emes" dep málimdedi ol kópshilikke.

2009 jyly 19 maýsymda Djon Ensaın degen senator óziniń kómekshisi bolyp tabylatyn sheneýnik áıelmen baılanysy bar ekenin  kópshilikke jarıa etken. Ol bul áreketke kóńildesiniń kúıeýi oǵan qoqan-loqy kórsetken soń barǵan eken.

Nú-Iork shtatynyń gýbernatory Elıot Spıtser 2008 jyly jezókshelerge barǵanyn jarıalap, qyzmetinen ketken. Onyń jeńil júristilermen baılanysy týraly «New York Times» basylymynda maqala jarıalanǵan. Gýbernator maqala jaryqqa shyqqan  aptada sózge kelmesten ornyn bosatqan.

Senator Devıd Vıtter de 2007 jyly jezóksheler úıine telefon shalǵanyn moıyndaǵan. «Hustler» jýrnalynyń jýrnalıseri senatordyń telefon nómiri jezóksheler uıashyǵymen baılanysty ekenin jazdy.

Bob Lıvıngston degen sheneýnik 1998 jyly Parlament spıkeri bolaıyn dep turǵan jerinen  áıeli oǵan kúdikpen qaraıtynyn aıtady. Sodan eki aı ótpeı jatyp,  sheneýnik Kongrestegi qyzmetin tastaıdy.

AQSH Prezıdenti bolǵan Bıll Klıntonge  de Monıka Levınskımen baılanysy úshin halyq senimsizdik tanytqan.

Senator Bob Pekvýd 1995 jyly otstavkaǵa ketti. Óıtkeni ol qaramaǵyndaǵy  17 qyz-kelinshekke qyryndaǵan. Onyń áıelqumarlyǵy týraly aqparattar kópshilikke keńinen jarıa bolǵan.

Ázirlegen Aıǵanym Birtýar