Qazaqstannyń keıbir azamattary tıisti qyzmettegi «jalqaýlardyń» kesirinen jazyqsyz japa shegip júr. Máselen, sottyń oryndaý qujattary nemese ákimshilik aıyppul salynǵandar moınyna túsken tólemnen tolyq qutylsa da tıisti qyzmetter bul týraly Derekter bazasyna málimet bermegendikten, qaryz bolyp qala beredi eken. Osyndaı «jalqaýlardyń» qataryna ásirese, jekemenshik sot oryndaýshylaryn jatqyzýǵa bolady. Ózine qajetti óndirýge tıistisin alsa da ondaılar Derekter bazasyna málimet bermeıdi eken. Tipti, málimet bermegeni úshin olar eshqandaı jaza da tartpaıtyn kórinedi. Sonyń kesirinen adamdar shetelge shyǵaıyn dese shekarada «shyǵarýǵa bolmaıtyndar» qatarynda ustalyp, moraldyq jáne materıaldyq japa shegip, shat-shálekeı bolyp jatatyn kórinedi. Sondaı-aq qujattarǵa engiziletin ózgeristerdi de Derekter bazasyna engizbeıtin memlekettik qyzmetshiler bar eken. Máselen, famılıańyzdyń sońyndaǵy «ov», «ev» degen jat jurnaqtardy aldyryp tastasańyz da olardy tıisti qyzmet Derekter bazasyna engizýge «erinip» qalatyn kórinedi. Sonyń kesirinen shekarada «ustalyp», ózińniń burynǵy «Ahmetovtyń» ornyndaǵy «Ahmet» ekendigińizdi dáleldeı almaı, qatty qınalatyn kórinesiz. Keıde mundaıdyń aqyry «kók qaǵazben» sheshilip, sybaılas jemqorlyqqa da jol ashyp jatatyn kórinedi.

    Mine, osyndaılardy boldyrmas úshin Májilis depýtaty Aıqyn Qońyrov bastaǵan komýnıser toby Ádilet mınıstri Marat Beketaevqa saýal joldap, jasalǵan túzetýlerdi Derekter bazasyna dereý engizbegen qyzmetkerlerdi qatań jazalaýdy talap etti.   

Serik ELEÝ, sarapshy