Úndistan, Úndi Qytaı, Ońtústik Qytaıda ósiriletin sıtrýsty jemis — lımondy baptaýdy tólebılik sharýalar da meńgerip keledi. Alǵashynda júreksinip júrgen azamattar erekshe jemis túrin jylyjaılarǵa egip kórip, búginde tókken teriniń nátıjesin kóre bastady.
Lımon baptaýdyń tásilderin meńgergen jergilikti azamat Iýrıı Pak Kóksáıek eldi mekeninde kólemi 0,07 ga jylyjaıda lımon ósirýdi qolǵa alǵan. Munda 400-ge jýyq lımon kósheti otyrǵyzyldy. Sharýanyń úmiti aqtalyp, alǵashqy ónim shyǵa bastaǵan soń, ony kásipke aınaldyrý ıdeıasy ózdiginen týyndady.
Naqtyraq aıtqanda, úsh jyl buryn egilgen kóshetter bıyl-aq alǵashqy nyshandaryn kórsete bastady. Kásipker Iýrıı Alekseevıch óz qarajatyna salǵan bul lımonarııdegi sıtrýsti jemisti baptaý úshin asqan tózimdilik qajet ekenin aıtady. Osyǵan qarap, ózge de banan, kıvı sıaqty tropıkalyq jemisterdi esh qoryqpastan jylyjaılarda ósirýge bolatyn sıaqty deıdi ol.
Bıiktigi 3-6 metrge jetetin lımon jemisiniń bıiktigi úı jaǵdaıynda 2 metrge deıin jetedi. Baıaý ósip, alǵashqy jemisin 6-10 jylda bere bastaıtyn lımon aǵashy 60 jylǵa deıin ósedi.
Ázirge, Tólebıde lımon ósirýdi qolǵa alyp, kásipke aınaldyrǵan azamattar saýsaqpen sanarlyq. Máselen, ondaǵy Kemeqalǵan aýyldyq okrýgindegi «Nematýlla» sharýa qojalyǵy da sońǵy 3-4 jyldan beri 5,5 gektar jerine qıar, qyzanaqtan bólek, lımon ósirip, ony ishki naryqta saýdalap júr.
Jalpy, aýdanda atalǵan kásip túrine qyzyǵýshylar jeterlik. Tabysty kásiptiń kózin tapqandar bolashaqta odan ári kóbeıedi dep kútilýde.
Pikir qaldyrý