Qazirgi tańda Qazaqstan Respýblıkasynyń azamattary shaǵyn jáne orta kásipkerlikke qatysty saýaldarǵa jıi jaýap izdeýde. Sebebi, Elbasy Nursultan Nazarbaevtyń tapsyrmasymen óńirlerde shaǵyn jáne orta kásippen aınalysatyndarǵa jaǵdaı jasalýda. «Sybaǵa», «Qulan», «Altyn asyq», «Bıznestiń jol kartasy – 2020» sekildi memlekettik baǵdarlamalar júzege asyp, «Damý» AQ qory, «Ońtústik» (burynǵy Maksımým), «Yrys» sekildi qarjylyq uıymdar kásippen aınalysamyn degen, naqty bıznes jospary bar azamattarǵa jeńildetilgen nesıe, al, kásibin keńeıtkisi kelgen aýyl sharýashylyq mamandarǵa qaıtarymsyz sýbsıdıa berip jatyr. Mine, osy jerde kásipkerler kóptegen saýaldarǵa jaýap izdeıdi. Osyndaı túıitkilderdi Elbasy tapsyrmasymen Ońtústik Qazaqstan oblysynda júzege asqan «Ashyq ákimdik» jobasy ońaı sheshedi. Iaǵnı, «Ashyq ákimdik» jobasy sheńberinde dıqandar, sharýashylyq tóraǵalary, jalpy kez-kelgen kásipker sol salaǵa qatysty laýazym ıelerine saýal joldaı alady. Esterińizde bolsa, osyǵan deıin eks oblys ákimi Beıbit Atamqulov «Ashyq ákimdik» jobasy aıasynda onlaın konferensıa ótkizip, ózgelerdi osy bastamany qoldaýǵa shaqyrǵan bolatyn. Sonda oblys ákimine Arman esimdi azamat bylaı dep suraq qoıdy:  

«Qurmetti oblys ákimi! Kele jatqan merekeńiz qutty bolsyn! Maǵan sharýa qojalyǵyn júrgizý úshin berilgen tálimi egistik jerime turǵyn úı salýǵa bola ma?»

Oblys ákimi: Qurmetti Absadykov Arman, ınternet-konferensıaǵa qatysqanyńyz úshin rahmet! Negizinen QR Jer kodeksiniń talaptaryna sáıkes, aýyl sharýashylyq maqsatyndaǵy egistik jerge turǵyn úı salýǵa bolmaıdy. Turǵyn úı salynatyn jer – eldi mekender jerleri sanatyna jatady, sizdiń jeriniz aýyl sharýashylyǵy maqsatyndaǵy jerler sanatynda, sol sebepten turǵyn úı salýǵa bolmaıdy.

Osylaısha, suraqqa jaýap berildi. Sizde saýal bolsa, qazirden bastap, «Ashyq ákimdik» jobasy sheńberinde arnaıy mamandarǵa habarlasa alasyz. 

http://rgmedia.kz/