AQSH-tyń jańadan saılanǵan Prezıdenti Donald Tramp «nómeri birinshi borttyń» qurylysyna kóp shyǵyn ketetindikten, Boeing kompanıasymen kelisimshartty buzýǵa úgittedi. Bul týraly BBC-diń orys qyzmeti habarlady. 

«Boeing kelesi prezıdentterge 747 Air Force One ushaǵy qurastyrylý ústinde, biraq oǵan ketken shyǵyn kólemi tórt mıllıard dollardy quraıdy», – dep jazdy Tramp óziniń «Tvıtterinde».

Boeing kompanıasy Boeing laıneriniń negizinde 2016 jyldyń qańtarynda aldaǵy ýaqyttaǵy Prezıdentterge arnalǵan ushaqqa kelisimshart jasasqan bolatyn.

Ázirshe tapsyrys eń alǵashqy satysynda tur. Prezıdenttik jańa ushaqtar 2024 jyly paıdalanýǵa beriledi dep kútilýde. Qazirgi ýaqytta jańa ushaqtyń óńdelýine 170 mln dollar aýdarylǵan.

AQSH-tyń ótpeli ákimshilik ókilderi jýrnalıserge bergen suhbatynda: «Tramptyń Boeing korporasıasymen kelisimshartty buzýy salyqqa tólenetin aqshany únemdeýmen baılanysty»  dep otyr.

AQSH-tyń qarjy baqylaý basqarmasy: «Ushaq óndisine ketken jalpy somma 3,2 mlrd dollardy quraıdy, biraq ushaqtar jobalaýdyń tek aldy satysynda turǵandyqtan, bul somma áli de ósýi múmkin», – deıdi.

«Prezıdenttik ushaq – AQSH-tyń eń kórnekti sımvoldarynyń biri. Boeing 747-8 – elimizdegi barlyq talaptarǵa saı keletin, elbasshynyń jumysyn qamtamasyz etetin, elimizde óndiriletin birden-bir korporasıa», – dedi AQSH-tyń ÁÁK mınıstri Debora Lı Djeıms.

Qazir qoldanylyp júrgen prezıdenttik ushaqty 1985 jyly AQSH-tyń Prezıdenti Ronald Reıgan tapsyrys bergen bolatyn. Eń alǵashqy ushaq tek 1990 jyly Djordj Býshtyń kezinde paıdalanýǵa berildi.