Qytaıdyń batysyndaǵy Shyńjań uıǵyr avtonomıalyq aýdanynda birneshe adamy bar kólik úkimettik mekemege kelip soqtyǵyp, bir adam qaza tapty. Aımaq bıliginiń habarlaýynsha, shabýyl 28 jeltoqsan kúni boldy. Polısıa kólikpen kelgen tórt adamdy atyp óltirdi. Shabýyldan úsh adam jaralandy. Bul týraly Azattyq jazdy.

Qytaıdyń Ortalyq Azıa elderimen shektesetin Shyńjań aımaǵynda sońǵy jyldary jergilikti halyq - musylman uıǵyrlar men etnıkalyq azshylyqty quraıtyn qytaılar arasyndaǵy zorlyq-zombylyqtardan júzdegen adam qaza tapty.

Quqyq qorǵaýshy uıymdar men qýǵyndaǵy uıǵyrlar zorlyq-zombylyqqa Pekınniń uıǵyrlardyń mádenıeti men dinine baqylaý ornatpaq bolǵan áreketi kináli dese, Qytaı bıligi ony ıslamshyl ekstremısterden kóredi. Pekın Shyńjańda qandaı da bir qýdalaý jasap jatqanyn joqqa shyǵarady.

Shyńjań basshylyǵynyń habarlaýynsha, oqıǵa aımaqtyń ońtústigindegi Qaraqash aýdanynda bolǵan. Resmı málimet boıynsha, kólik mingen tórt "baskeser" Qytaı komýnıstik partıasynyń aýdandyq bólimi ǵımaratyna kelip soqtyǵyp, "jarylǵysh zatty iske qosqan".

The Gurardian  taratqan aqparatta qarýly shabýyldyń 28 jeltoqsan saǵat 17:00 shamasynda jasalǵany aıtylǵan. 

Halyqaralyq agenttikterdiń tilshileri úkimettiń resmı aqparatyn derbes derekkózinen anyqtaı almaı otyr.