Sýmen ǵana shólińizdi basyp, sýsyn etýdiń paıdasy týraly mazhab.kz saıty press-me.info saıtynan aýdaryp jarıalady.
Sý – tirshilik nári ekeni bárimizge belgili. Denemizdiń basym bóligi sýdan turady. Aǵzamyzdyń árbir jasýshasy, terisi nemese múshesi terezeńizdiń aldyndaǵy gúl sıaqty sýdy qajet etedi. Osy jerde biz gúlmen salystyramyz – eger gúlge sý tym kóp emes, tym az emes, jetkilikti bolsa, ol gúldeıdi, japyraqtary kógerip, jaıqalady.
Biz de ózimizdi gúlmen salystyryp, sýsyndaımyz, biraq kóbine sýdy basqa suıyqtyqtarmen almastyryp jatamyz: mysaly, gazdy sýmen, kofe, sháı, sútpen, keıbireýi ózin jaqsy kórgeni sonshalyqty, súıikti syrasynan da bas tartpaıdy, jáne t.b.
Eger bar-joǵy 30 kúnniń ishinde as úlesinen sýdan basqa barlyq sýsyndardy alyp tastasaq, ne bolady? Biz kún barysyndaǵy taǵamdarymyzdan bas tartpaımyz, qımyl-qozǵalysymyzdy kóbeıtip nemese azaıtpaımyz, tek aǵzamyzǵa quıylatyn suıyqtyqtyń barlyǵyn sýǵa almastyramyz
Eń birinshi oıymyzǵa keletini – qarajatymyzdy únemdeımiz. Iá, bul shúbásiz fakt. Alaıda, aǵzamyzǵa odan da qyzyqty, odan da baǵaly qandaı paıda ákelemiz?
1. Shyǵarmashylyq jáne oılaý qabiletińiz artady
|
|
|
30 kún ótken soń, Neuroscience (Neırobıologıa) jýrnalynyń taratqan aqparaty boıynsha, mıyńyz burynǵydan jyldam reaksıasymen tań qaldyrady eken. Mıymyz jaqsy jumys isteýi úshin tonnalaǵan kıslorod qajet bolǵan sıaqty, sý da onyń jumysyn arttyra alatyndardyń qatarynan tabylady. Nátıjesinde zeıinińiz artyp, oılaý qabiletińiz tezirek jáne shapshańyraq bolady. Kúnine 8-10 staqan sý ishe otyryp, kognıtıvtik qabiletińizdi baqandaı 30%-ǵa jaqsartasyz. |
2. Qurdastaryńyzǵa qaraǵanda jasyraq kórinetin bolasyz
|
|
|
Aýyz sýy terińizdegi sýdyń mólsherin saqtaı otyryp, qartaıý úrdisin baıaýlatady. Terińizdi ylǵaldandyryp, saý, jumsaq, tegis, jarqyraǵan, jas ári ájimsiz etedi. Bulshyq etimizge de tıgizer áseri mol – sý onyń tonýsyn saqtaıdy. Osyndaı nátıjege qol jetkizý úshin, tek taza sý ishýińiz kerek. Daily Mail jýrnalynda jaryq kórgen maqalada 42-jasar anaǵa nebary 30 kún tek sý ishken soń, 10 jasqa jasyraq kóringenin aıtady. |
Eń qyzyǵy, tek sý ishý ıdeıasy, oǵan únemi bas aýyrýy men as qorytýynyń nasharlaýyna ákep soqty. Sol úshin ol kúnine 3 lıtrdeı sý ishe bastady, bir aıt ótken soń tań qaldy. Únemi dyńyldap turatyn bas aýrýy men as qorytýynyń nasharlaýy qolmen sylyp tastaǵandaı joq boldy. Oǵan qosa, bonýs retinde, 10 jasqa jasardy. Jaman emes qoı, ıá?
Óz sózinde ol, «Shyn mánisinde men osynshalyq aıyrmashylyq bolady degenge senbedim. Ózimdi aınadan kórgende, basqa áıeldi kórgendeı bolamyn. Kózimniń aınalasyndaǵy qaraýytýlar joǵaldy. Terimniń jasarǵany sonshalyq, jas kúnimdegideı. Bul meniń basymnan ótken keremet ózgeris... Ózimdi aryqtaý sezinemin jáne densaýlyǵym da jaqsarǵandaı, eń qyzyqtysy, meniń ózgertkenim, tek sý ǵana»,-deıdi.
3. Imýnıtetińiz kúsh kórsete bastaıdy
|
Slovak halqynyń maqaly: «Taza sý - -bul alǵashqy medısına» deıdi. Bul ásirelep aıtqandyq emes! Sý aǵzanyń tıimdi fýnksıalaryn jańartatyn katalızator sıaqty jumys isteıdi. Sýdyń durys mólsherde paıdalanylýy – baýyryńyz ben búıregińizdiń jumysyn jaqsartyp, qalypty deńgeıde ustaýǵa kómektesedi. Osy múshelerińiz qandaǵy ýly zattardy, qaldyqtar men tuzdardy ketirýge jaýapty. Sonymen osy saladaǵy zertteýshilerdiń aıtýyna súıensek, teńgerimińiz turaqtalyp, búırekke tas jınalýynyń aldyn alady eken, osylaısha biz bas aýrýy men taǵy basqa aýrýlarǵa shaldyqpaıtyn bolamyz. |
|
|
4. Júregińiz myqtyraq bolady
Sý júregińizdiń saýyǵýyna kómektesedi. Qan suıyla túskendikten qan qysymy tómendep, júrek talmasynyń qaýpi seıiledi.
Uıyqtar aldynda bir staqan sý iship jatsańyz, júrek talmasy men ınsýlttiń aldyn alýǵa kómektesedi.
Amerıkandyq epıdemıologıa jýrnaly alty jyldyq zertteýiniń nátıjesin jarıalady. Kúnine bes staqan sý ishken adamdar, júrek talmasynan, kúnine tek 2 staqan sý ishken adamdarǵa qaraǵanda 41%-ǵa az ólgendigin baıqaǵan.
5. Súıekterińiz qataıa túsedi
Sý sińirdi qalpyna keltirýge kómektesedi, osynyń arqasynda býyndaryńyz bappen qımyldap, nátıjesinde býyndarǵa túsken salmaqtyń áserinen bolǵan zaqymdar azaıa túsedi.
6. Teri astyndaǵy maılaryńyzdyń birazymen de qosh aıtysasyz
30 kún boıy tek sý ishseńiz, deneńiz ómirińizge mańyzdy múshelerińizden ýly zattar men qaldyqtardy shyǵarady. Bul deneńizdi tazartyp, ony ishińizdiń aınalasyndaǵy maılardan arylta bastaıdy.
Aldymen, salmaǵyńyz azdap arta bastaıdy, sebebi, deneńiz osynsha mólsherde paıda bolǵan sýdyń mólsherine birden úırenise almaıdy. Alaıda, biraz ýaqyt ótken soń, aǵzańyz jańa tártipke úırenedi. Sý qarnyńyzdyń ashyp turǵanyn da joıa alady. Kalorıany azdap qoldana bastaısyz, óıtkeni sý qarnyńyzdyń ashqanyn basyp, aǵzańyzdy jýa bastaıdy.
Taǵamtaný men dıetologıa akademıasynyń ókili Andrea N. Djankola keńes bergendeı, tamaqtanýdyń aldynda ishilgen bir nemese eki staqan sý as qorytýyńyzǵa kómektesip, ózińizge qajetti mólsherden tys tamaq jeýge múmkindik bermeıdi. Jáı ǵana ony únemi jasap otyrsańyz boldy.
7. Zat almasý úrdisi jaqsarady
|
Zertteýler kórsetkendeı, únemi sý iship júrgen adam dıetańyzǵa qaramaı zat almasý úrdisin jaqsartady. Tań erteń turǵan soń, jarty lıtr sý ishseńiz, zat almasý úrdisi 24%-ǵa artady. Zat almasý úrdisi nesimen mańyzdy? Durys – ómirizdi ustap turǵan aǵzalardaǵy hımıalyq reaksıalardyń júrýine tikeleı baılanysty. |
Pikir qaldyrý