27 aqpannan bastap «Bolmaǵan balalyq shaq» fılmi barlyq kınoteatrlarda kórsetile bastaıdy.

«Bolmaǵan balalyq shaq» – tanymal aqyn, Qazaqstan Jazýshylar odaǵynyń múshesi, QR «Daryn» jastar syılyǵynyń ıegeri Aqberen Elgezektiń keıingi jyldary bestsellerge aınalǵan týyndysy «Bolmaǵan balalyq shaq» shyǵarmasynyń jelisi boıynsha túsirilgen dramalyq fılm.

Shynaıy oqıǵaǵa negizdelgen bul týyndy balalyq shaǵynan aýyr taǵdyrdyń synaǵyna túsken keıipkerdiń ómirin sýretteıdi. Basty keıipker qıyndyqtar men ádiletsizdikke qaramastan, óz jolyn tabýǵa jáne adamdyq qasıetterin saqtaýǵa tyrysady.

Fılmniń bas prodúseri avtordyń ózi – Aqberen Elgezek, rejıseri – Aıdyn Sahaman, senarıin jazǵan – Efrat Sháripov. Kınotýyndy 27 aqpannan bastap Qazaqstannyń barlyq kınoteatrlarynda kórsetile bastaıdy. Fılmdegi basty rólderdi Erlan Bilál, Berik Aıtjanov, Áshim Ahmetov pen jas akter Shákárim Almasbek oınady.

Sizderdi áriptes deıtin kezge jettik. Shynymdy aıtsam tabaqsha alamyn degen oıda da bolǵan joq. Jazǵan dúnıemiz úlken ekranǵa shyǵatyn bolsa klasıkalyq dúnıege aınalady dep oılaımyn. Fılm Tiger Films kompanıasymen "Qazaqfılm" kınostýdıasymen birlesip shyǵarylmaq. Osy rette Azamat pen kınostýdıa ujymyna alǵys aıtqym keledi. Azamattyń qoldaýymen "Bolmaǵan balalyq shaq" povesi Ǵ.Músirepov teatryna sahnalanǵan edi. Endi mine Astanada, Qyzylorda teatrlarynda sahnalanyp jatyr. Osy jyly úlken ekran arqyly qalyń kópshilikke usynylmaq,- deıdi aqyn Aqberen Elgezek.