Qazaqstanda endi jeke medısınalyq kitapshany eGov Mobile mobıldik qosymshasyndaǵy E-Densaulyk servısi arqyly alýǵa bolady.

Mınıstrliktiń Telegram-arnasynda jarıalaǵan aqparatqa súıensek, 2025 jylǵy 1 qańtardan bastap Qazaqstanda jeke medısınalyq kitapshanyń (sanıtarıalyq kitapsha) elektrondyq formaty engizildi. "Azamattar endi eGov Mobile mobıldik qosymshasyndaǵy E-Densaulyk servısi arqyly medısınalyq tekserý nátıjeleri men ózderiniń sanıtarıalyq kitapshasy týraly derekterdi ala alady, bul medısınalyq tekserýden ótý ýaqytyn edáýir qysqartady jáne terapevtke qaıta barý qajettiligin boldyrmaıdy. Sanıtarıalyq kitapsha daıyn bolǵan kezde azamattar 1414 nómirinen SMS-habarlama alady", - delingen habarlamada. 

Bul rette, jumys berýshiler qyzmetkerlerdiń medısınalyq kitapshalarynyń ózektiligin hr.enbek.kz tegin eńbek resýrstary portaly arqyly teksere alady, bul sanıtarıalyq normalardyń saqtalýyn baqylaýdy jeńildetedi jáne yqtımal qatelikterdiń aldyn alady. Sondaı-aq mınıstrlik ókilderi medısınalyq kitapsha kimde bolýy mindetti ekenin aıtty. "Elektrondyq júıe qoǵamdyq tamaqtaný, dárihana, sanatorıı qyzmetkerlerin, sondaı-aq qyzmet kórsetý salasy men medısına qyzmetkerlerin qosa alǵanda, qyzmetkerlerdiń 15 sanatyn qamtıdy. Bul sanattar úshin turaqty medısınalyq tekserýler jylyna bir ret nemese alty aıda bir ret ótkiziledi", - dep túsindirdi vedomstvo ókilderi.