Bıyl Jetisýda oblystyq perınataldyq ortalyq uryq hromosomalaryna ınvazıvti prenataldyq dıagnostıka jáne genetıkalyq zertteý júrgizedi. Bul ádis bala men ana ómirine oń septigin tıgizedi.

El ishinde bala týý kórsetkishi boıynsha Jetisý óńiri úzdikter qatarynda tur. Degenmen qaıǵyly oqıǵalarda kezdesedi. Keıde dárigerler analardyń kútinbegenin aıtyp, bala ómirine arasha túse almaıdy. Sol maqsatta uryqty qorǵaý ortalyǵy hromosomalyq aýytqýlardy jáne basqa da tuqym qýalaıtyn aýrýlardyń aldyn alý jumystaryn júrgizbek.

Oblys oralyǵynda qańtar aıynan beri 354 sábı dúnıe esigin ashty. Byltyr shaharymyzda 3788 bala ómirge kelgen edi. Tipti bir aptada 196 bala dúnıege kelip, perzenthanamyzda toı bolǵan. Bul qala turǵyndarynyń ósip-órkendeýi men áleýmettik jaǵdaıynyń jaqsarǵanyn kórsetedi, - deıdi densaýlyq saqtaý basqarmasynyń basshysy Arman Janseńgirov.

Qazir óńirde bala men ananyń densaýlyǵyn jaqsartý úshin túrli joba qabyldanyp jatyr. Máselen atalǵan ortalyqta neıroortopedıalyq derti bar, serebraldy sal aýrýy anyqtalǵan balalardy ońaltýdyń álemdik ádistemeleri men zamanaýı tásilderi qoldanylady. 

Odan bólek, turǵyndarǵa mehanoterapıa, mantessorı, shýngıt shahtalary, sensorlyq bólme, ıppoterapıa, psıholog, logoped jáne massajıst kabıneti qyzmet kórsetiledi. Olardy halyq tegin paıdalanady.

Qazir ata-analar kútinbese, burynǵydaı emes túrli aýrý-syrqaý kóp. Onyń ústinen koronavırýstan keıin, men sekildi kelinshekter bala kótere almaı biraz qınaldy. Qalalyq perzenthanaǵa baryp, qaralyp turamyz. Olaı istemese bolmaıdy, - deıdi kópbalaly ana Aınur Jarylqasyn.