Qańtar oqıǵasy kezinde oqqa ushqan arheolog Erlan Jaǵyparovtyń ólimine kináli podpolkovnık 7 jylǵa bas bostandyǵynan aıyryldy.

7 aqpanda Ulttyq ulannyń 5571 áskerı bóliminiń podpolkovnıgi Aıtjan Áýbákirovke Almatynyń áskerı soty úkim shyǵardy.

Sot málimetinshe, Áýbákirov 2022 jyly 6 qańtarda Almaty qalasynda Erlan Jaǵyparov pen Áýez Qapsalanovqa oq atqan. Sot barysynda medısınalyq saraptama nátıjeleri aıtyldy. 30-dan astam kýáger suraldy. 

Atalǵan is boıynsha alǵashqy sot otyrysy 2024 jyly 19 jeltoqsanda bastaldy. Alaıda birneshe sot prosesinen keıin sot jabyq rejımde ótti. Jýrnalıser sot zalyna kirgizilmedi. Sot muny ulttyq qaýipsizdik pen memlekettik qupıalarǵa qatysty aqparattyń barlyǵymen túsindirdi.

Almaty gornızony áskerı soty Aıtjan Áýbákirovty Qylmystyq kodekstiń 451-baby (Bıligin asyra paıdalaný) boıynsha kináli dep tapty. Osylaısha ol 7 jylǵa bas bostandyǵynan aıyryldy. Sondaı-aq arheologtyń otbasyna 20 mıllıon teńge, ekinshi jábirlenýshi Qapsalanovtyń otbasyna moraldyq shyǵyn óteıdi.

Aıta keteıik, Qańtar oqıǵasy kezinde 49 jastaǵy almatylyq azamattyń denesi tabylǵan. Keıinnen onyń arheolog Erlan Jaǵyparov ekeni belgili boldy. Jaǵyparovtyń týystary onyń 6 qańtarda joǵalyp ketkenin málimdegen. 12 qańtar kúni onyń qaıtys bolǵanyn bilgen. Ol qolyna kisen salynǵan, aıaýsyz soqqyǵa jyǵylǵan, júrek tusynan oq atylǵan kúıde tabylǵan.