Qarjylyq monıtorıń agenttigi Soltústik Qazaqstan oblysy boıynsha departamenti aýyl sharýashylyq óndiristik kooperatıvi basshysynyń 50 mıllıon teńgeden astam sýbsıdıany zańsyz alý sqemasyn anyqtady.
Memleket joǵary sapaly sút óndirisin arttyrý jáne ımportqa táýeldilikti tómendetý úshin sút-taýar fermalaryn ashýdy belsendi túrde qoldap, yntalandyrýda.
Alaıda óndiristik kooperatıviniń basshysy 2019 jyldyń mamyrynan 2020 jyldyń naýryzyna deıingi aralyqta jalǵan qujattardy paıdalanyp, sút ónimderin óńdeýge bólingen 50 mıllıon teńgeden astam sýbsıdıany zańsyz alǵan.
Óndiristik shyǵyndardy rastaý úshin aýyl sharýashylyǵy basqarmasyna jeke kásipkerlerden shıki sút satyp alǵany úshin ózara esep aıyrysý týraly jalǵan qujattar jáne maı óndirisi týraly qasaqana jalǵan aqparattar berip kelgen. Nátıjesinde sot sút jetkizý mámilelerin zańsyz dep tanydy.
Qarjylyq tergeý nátıjesinde, zańsyz alynǵan sýbsıdıalarǵa kúdikti «TOYOTA LAND CRUISER PRADO 150» markaly avtokólik satyp alǵany anyqtaldy, ol múmkin bolatyn tárkileýden jasyrý maqsatynda senimdi adamǵa rásimdelgen.
Sottyń sanksıasymen atalǵan avtokólikke tyıym salyndy. Kúdiktige qatysty sot 2 aıǵa «qamaýǵa alý» túrinde bultartpaý sharasyn taǵaıyndady.
Barlyq aqparat QR QPK 201-babyna sáıkes tergeý múddesinde jarıalaýǵa jatpaıdy.
Pikir qaldyrý