Qazaqstan derbes el bolǵaly ekonomıkalyq damýyna tusaý bolyp kele jatqan jemqorlyq keselinen áli aryla almaı keledi. Oǵan qadam jasalmady emes, osy kúnge deıin onymen kúres jalǵasyp ta jatyr. Sońǵy 20 jylda prezıdent ákimshiligi, úkimet, ulttyq kompanıalar, túrli organdarda joǵary laýazymda otyryp isti bolǵandar sany jeterlik. Biraq, ázirge odan nátıje bolmaı tur dep jazdy NUR.KZ.
Sonymen, ár jyldarda sottalǵan, isti bolǵan joǵary laýazym ıelerin eske túsirip kóreıik.
Prezıdent ákimshiligi
Baǵlan Maılybaev — prezıdent ákimshiligi jetekshisiniń orynbasary
Sheneýnik 2017 jyldyń 12 qańtarynda tutqyndaldy. Maılybaevqa memlekettik qupıany jarıa etti degen aıyp taǵylǵan.
Úkimet músheleri
Ákejan Qajygeldın — premer-mınıstr
Shetelge qylmystyq is boıynsha tergeý bastalmaı turyp ketip qalǵan sheneýnikke qazaqstandyq sot 2001 jyly syrttaı jeke múlkin tárkileý arqyly 10 jylǵa bas bostandyǵynan aıyrý jazasyn kesti.
Muhtar Áblázov — energetıka, ındýstrıa, saýda mınıstri
2005 - 2009 jyly BTA bankinen qarjy jymqyrdy dep aıyptaldy. Qazir shetelde. Ony Fransıa úkimeti 2013 jyly ustady. 2014 jyly qańtarda tómengi ınstansıalyq fransýz soty bankırdi ekstradısıalaý týraly úkim shyǵardy, alaıda sáýirde bul sheshimdi kasasıalyq sot qabyldaǵan joq. Ótken jyldyń sońynda Fransıanyń memlekettik keńesi ony Reseıge ekstradısıalaýdan bas tartty.
Vıktor Hrapýnov — tótenshe jaǵdaılar mınıstri, energetıka jáne kómir ónerkásibi mınıstri, energetıka jáne tabıǵı resýrstar mınsıtri, SHQO ákimi, Almaty ákimi
2008 jyly sáýirde isti bolǵan Hrapýnov Shveısarıaǵa kóship ketti.
Jaqsybek Kúlekeev — ekonomıka jáne saýda mınıstri, bilim jáne ǵylym mınıstri
2008 jyldyń qarasha aıynda laýazymyn asyra paıdalanǵany úshin 3 jylǵa bas bostandyǵynan jáne odan keıingi bes jylda jetekshilik qyzmette otyrý quqyǵynan aıyryldy. Para alý jónindegi iste aqtalyp shyqty. Qazir bostandyqta júr.
Serik Búrkitbaev — transport jáne komýnıkasıa mınıstri, «QazMunaıGaz» prezıdenti
2009 jyly ony jalpy rejımdegi kolonıada 6 jylǵa bas bostandyǵynan aıyrǵan. Erkindikke 2012 jyldyń 16 qarashasynda shyqty.
Nurlan Ysqaqov – qorshaǵan ortany qorǵaý mınıstri
2009 jyly 15 qazanda búdjet qarjysyn jymqyrdy degen aıyppen 4 jylǵa sottaldy.
Jaqsylyq Dosqalıev — densaýlyq saqtaý mınıstri
2011 jyly 5 tamyzda sot sheneýnikti qatań rejımdegi kolonıada 7 jylǵa bas bostandyǵynan aıyrdy. 2012 jyly qańtardaǵy prezıdenttiń raqymshylyǵynyń aıasynda Dosqalıevti sol jyldyń naýryz aıynda bostandyqqa shyǵardy.
Serik Baımaǵanbetov — İshki ister mınıstri, qarjy mınıstrligi kedendik baqylaý komıtetiniń tóraǵasy
2013 jyly 8 qańtarda jeke múlkin tárkileý arqyly qatań rejımdegi kolonıada 10 jylǵa bas bostandyǵynan aıyrylǵan. 2015 jyly 19 aqpanda merziminen buryn shartty túrde bosatyldy.
Serik Ahmetov — premer-mınıstr
2015 jyly 11 jeltoqsanda sot oǵan jalpy rejımdegi kolonıada 10 jyl bas bostandyǵynan aıyrý týraly úkim shyǵardy. Serik Ahmetovti jemqorlyqqa qatysty aıyptady.
Qýandyq Bıshimbaev – ulttyq ekonomıka mınıstri
2017 jyldyń 13 qańtarynda tutqyndaldy. Sot úkimi shyqqan joq. Búdjet qarjysyn talan-tarajǵa saldy dep kúdiktelip otyr.
Ulttyq qaýipsizdik komıteti
Álnur Musaev – UQK tóraǵasy
2008 jyly Aqmola áskerı trıbýnalynyń jabyq otyrysynda ony bılikti kúshpen tartyp alý áreketi úshin, otanyna satqyndyq jasaǵany, memlekettik qupıany jarıa etkeni, dúnıe-múlik, kisi urlaǵany úshin 35 jyl bas bostandyǵynan aıyrýǵa jaza kesildi. Barlyq memlekettik nagradalardan aıyrylǵan. 2007 jyldan beri shetelde turyp jatyr.
Nurlan Jolamanov — UQK shekara qyzmetiniń dırektory
Ol 2015 jyly 6 naýryzda para aldy degen aıyppen 11 jyl qatań rejımdegi kolonıada jazasyn óteýge kesildi.
Nartaı Dútbaev — UQK tóraǵasy
Ol 2016 jyly jeltoqsan aıynda memlekettik qupıalardy jarıa etti, óz qyzmetin asyra paıdalandy degen kúdikpen tutqyndaldy. Ulttyq qaýipsizdik qyzmeti sotaldy tergeý júrgizip jatyr.
Ulttyq kompanıalar men aksıonerlik qoǵamdar
Muhtar Jákishev – «Qazatomónerkásip» ulttyq kompanıasynyń prezıdenti
2010 jyly 12 naýryzda ony qylmystyq kodekstiń 176 (oǵan senip tapsyrylǵan bireýdiń múlkin talan-tarajǵa salý) jáne 311 («para alý») baptary boıynsha 14 jylǵa bas bostandyǵynan aıyryp, odan keıingi 7 jyl kóleminde memlekettik qyzmetke turý quqyn joıdy.
Serik Turjanov — Saýda-ónerkásip palatasynyń tóraǵasy
2010 jyly 2 shildede halyq sanaǵy úshin bólingen aqshany jymqyrǵany úshin 9 jylǵa sottalǵan.
Murat Úkshebaev —Almaty metrosynyń dırektory
2015 jyly 24 jeltoqsanda metro qurylysyna baǵyttalǵan qarjyny maqsatsyz jumsaǵany úshin 9 jyl bas bostandyǵynan aıyrý jazasy kesildi.
Baqyt Jaqsybaev —«Báıterek Development» AQ basqarma tóraǵasy
Ol byltyr 30 qarashada tutqyndaldy. Para aldy dep kúdiktelip otyr. Qazir tergeý jumystary júrip jatyr.
Rýslan Erdenaev — «BJZQ» AQ basqarma tóraǵasy
Jyl basynda zeınetaqy qory men jekemenshik kompanıanyń arasyndaǵy kúdik týdyrǵan shart úshin tutqyndaldy. Qarjylyq operasıa nátıjesinde BJZQ 5 mıllıard teńgesinen aıyryldy.
Ózge memlekettik organdar
Anar Meshimbaeva — Statısıka agenttiginiń tóraıymy
2014 jyly 14 aqpanda 7 jylǵa sottaldy. Ol ulttyq sanaqqa qajet blank daıyndaýǵa arnalǵan qarjydan 700 mıllıon teńge jymqyrdy dep aıyptaldy. Sondaı-aq Meshimbaevaǵa qyzmetin asyra paıdalandy degen kiná taǵyldy.
Ómirzaq Ózbekov – jer resýrstaryn basqarý agenttiginiń tóraǵasy
2013 jyly óz qyzmetin asyra paıdalaný, senip tapsyrylǵan ózgeniń múlkin menshiktep alý jáne talan-tarajǵa salý, múlik tárkileý arqyly qylmystyq áreketke barý maqsatynda uıymdasqan top qurý jáne jetekshilik etý isteri boıynsha 10 jylǵa sottaldy.
Murat Ospanov — Tabıǵı monopolıalardy retteý agenttiginiń tóraǵasy
(Túpnusqadaǵy taqyryp: Sońǵy 20 jylda isti bolǵan tanymal sheneýnikter kimder?)
