pandaland.kz-ke qazaqstandyq muǵalim eldegi oqý júıesi men mektepterdegi qalyptasqan jaǵdaıdy qatań synǵa alyp jazdy.
Ata-analar ashýǵa minip ǵalamtorda moraldyq shyǵyndy ótep alý úshin qarjy óndirip alatynyn jazyp, qorqytpaq bolǵanda kóńilim bosaıdy. Sebebi olarda aqsha joq. Qazaqstandaǵy mekteptegi muǵaliminiń ómiri – júıke juqarý men kedeıshilikte ótedi. Oqytýshy kásibin saýapty is deıtinder meni kináláıtin bolar. Biraq saýapty is pen joǵary maqsattar týraly oqytýdyń alǵashqy jylynda-aq umytyp ketesiń.
Meniń oıymsha muǵalimdikke bos ýaqyty kóp nemese jalǵyz basty, otbasyn qurý, balaly bolýdy qalamaıtyn adam barýy kerek. Ózderińiz túsinip otyrǵandaı atalmysh nusqalardyń barlyǵy múmkin emes. Ondaı adam joq.
Meniń jasym 30-da. Orta mektepte aǵylshyn tilinen sabaq beremin. Meniń jeke ómirim de, artyq aqsham da joq, aınalysyp jatqan isime qanaǵattanbaımyn. Qazaqstandyq muǵalimder dóreki oqytýshylar men esersoq basshylarǵa, bilim júıesindegi beıbereketsizdikke qarsy turýǵa talpynyp júrgen, eshqandaı quqyǵy joq adamdar.
Balalardan bastaıyq. Men alǵash mektepke muǵalim bolyp ornalasqanda oqýshylardy barynsha qyzyqtyrýǵa tyrystym. "London is the capital of Great Britain" deýden aryǵa barmaıtyn muǵalimderge qaraǵanda, men de basqa oqytý ádisi boldy. Súıikti aǵylshyn ánderin oqýshylarmen birge aýdardym. Oqýshylar qyzyqty aǵylshyn telehıkaıalaryn sýbtıtrmen kóre alý úshin, barlyq jattyǵýlardy az ýaqyttyń ishinde jasaýǵa týra keldi. Balalar sabaqtan tys olarmen aǵylshyn tilinde sóılesýimidi suraıtyn. Olardyń kózi janyp turdy!
Oqýshylar «qyzyqty aǵylshyn» tili pániniń ýaqytyn uzartyp, zeriktiretin aǵylshyndy múlde alyp tastaýymdy surady. Otandyq avtorlardyń sapasyz kitaptaryn oqyǵysy kelmedi. Avtorlar qazirgi zamannyń adamdary. Alaıda oqytý ádisi eskirip ketken. Men joǵary synyptyń muǵalimi bolsam da, kitaptar mektepke deıingi balalarǵa arnap jazǵandaı áser qaldyrady.
Balalar ártúrli bolady. Oqýshylardyń jetkinshek kezeńin, gormondar basqa da máselelerdi eskerý qajet. Senińizder, men túsinigi mol ustazbyn.
Kóz jassyz bolmady. Buǵan 9-shy synypta oqıtyn qyzdar sebepker boldy. Oqýshylardyń biri únemi sabaqqa keshigip kelip, sabaq kezinde belsendilik tanytyp, pán boıynsha eshqandaı bilimi bolmaǵandyqtan sáıkesinshe toqsannyń sońynda qanaǵattanarlyq baǵa qoıdym. Muny bilgen ata-anasy búkil mektepke janjal shyǵaryp, sotpen qorqytty.
Buǵan deıin syılap kelgen dırektorym meni shaqyryp alyp, baǵany tórtke túzetýimdi surady. «Bizge artyq bas aýrýdyń qajeti ne? Ákesiniń baılanystary myqty» dedi dırektor sybyrlap.
Shynymen de ózderiniń erketotaı balalaryna baǵany satyp alyp beretin «Úlken» adamdarǵa qarsy ne isteı alamyz? Endigi toqsanda «aqyldy» oqýshyǵa tórt qoıǵanym onyń sabaqqa múlde kelmeýine quqyq berdi. Qudaıǵa shúkir, oqýshylardyń kóbi úıinde jaqsy tárbıe alǵandar. Olar bul jaǵdaıǵa túsinistikpen qarady.
Endi grafık jóninde. 24/7 – bul bizdiń uran. Olımpıada, senbilikter, mádenı sharalar, qaǵazbastylyq, ata-analarǵa habarlasý, bitpeıtin jınalystar. Bul úshin muǵalimge aqsha tólenbeıdi. Muǵalimderge saǵatyna ǵana aqsha alady. Eger óz jetekshiligińe synyp alsań kúlkili syıaqylarǵa ıe bolasyń.
Komıssá - bul bólek taqyryp...Bizdi túrtpektemeýi úshin olarǵa syılyq jasaımyz. Ol jasyryn túrde júredi. Bizdiń mektepke kiná taǵa almaısyń. Eger eshqandaı jabdyq bolmasa, jóndeý jumystaryna qarjy bólmese, eden jýýshylardyń jalaqysy 50 myń tenge bolsa, ne dep kiná artýǵa bolady? Biz onymen qoımaı syılyq jasaımyz. Baımyz ǵoı sebebi...
Jastarǵa ósýge eshqandaı múmkindik joq. Osy jyly men jumystan shyǵamyn jáne bul tozaqqa qaıtyp oralýǵa eshqandaı nıetim joq. Oqýshylar saǵynatynyn aıtyp jatyr. Árıne men de olardy saǵynamyn. Biraq qaıtesiń tek mahabbatpen ǵana ómir súre almaısyń.
Sondyqtan qymbatty ata-analar, biz týraly jaman pikir bildirerdiń aldynda, bizdiń ornymyzda bolyp kórińizder. Sizder bir saǵatta bul jerde tura almaıtyndaryńyzǵa senimdimin. Al aı sońynda mardymsyz aqshany kórgende jylap jiberesizder. Aıyptamańyzdar! Odansha balalaryńyzǵa qazaqstandyq muǵalimderdiń eńbegin syılaýdy úıretińizder.
Aýdarǵan: Ásem Álmuhanbet
