700-ge jýyq jezókshelikpen aınalysatyn áıelder jaýapkershilikke tartyldy dep habarlaıdy Tengrinews.kz tilshisi.

3-i men 20 qańtarǵa deıin jeńil júrispen aınalysatyn 677 qyzdy jaýapkershilikke tartty. Tekserý barysynda anyqtalǵandaı barlyǵy 858 jezókshe ishki ister organdaryna tapsyryldy.

«Túrksib aýdanynyń İİB-na bir táýliktiń ishinde 160 adam tapsyryldy, onyń 91-i jeńil júrispen aınalysatyn qyzdar. Ýchaskelik polısıa úı-úıdi aralaý barysynda anyqtalǵandaı, Seıfýllın kóshesiniń 55-shi jáne Ýsachev kóshesiniń 4-shi úıleriniń bir táýlikke jalǵa beriletin páterleri jeńgetaılyq pen jezókshelikpen aınalysyp kelgen. Onyń ústine turǵyn úılerdi jalǵa berýshiler buǵan deıin QR-synyń ákimshilik quqyq buzýshylyq týraly kodeksiniń 450-baby boıynsha ákimshilik jaýapkershilikke tartylǵan bolatyn», – dep málimdedi Almaty qalasynyń İİD ákimshilik polısıa basqarmasy bastyǵynyń orynbasary Jandos Muratalıev.

Sonymen qosa, İİD málimetinshe, jezókshelikpen aınalysý úshin berilgen kelesi páterler men qonaq úılerdiń ıeleri de jaýapkershilikke tartyldy:

1. Klara Setkın kóshesi, 4;
2. Stasıonnaıa kóshesi, «Natalı» qonaq úıi,11;
3. Seıfýllın dańǵyly, 43, «Nur» qonaq úıi;
4. Dýlatov kóshesi, 17, aty joq qonaq úı;
5. «Alı» qonaq úıi;
6. Zorge kóshesi, 8A, 11 páter;
7. Seıfýllın dańǵyly, 13, 6 páter;
8. Kýngarskaıa kóshesi,2, 5 páter.