Reseılik bloger Igor Begdan Reseı Federasıasyndaǵy ekonomıkalyq jaǵdaıǵa baılanysty óz oıyn jetkizdi dep habarlaıdy inforesist.org, maqalanyń qazaqsha nusqasyn "Qamshy" portaly oqyrman nazaryna usynady.

"Kýdrınniń josparynda eń alǵash Batyspen dostyq kelisim jasalýy kerek dep kórsetilgen. Keıinnen eldiń ekonomıkasy úshin arzan nesıege kóshýge bolady. Qatań qarjylyq saıasat! Áskerılerge qarjy az beriledi, zeınetkerler jasynyń ulǵaıýyna baılanysty olarǵa da qarjy az mólsherde bólinedi. Alaıda, iri kásipkerlerge qaýipsizdik qamtamasyz etilgen.

«2019 jylǵa qaraı jalpy ishki ónim 3%-ǵa artsa, 2035 jyly eki ese ósedi», - dep Kýdrın nanymdy túrde ýáde etti. Ol – Pýtınge óte senimdi daýyspen bir nársege ýáde bergen adamdardyń eń birinshisi.

Eger Kýdrın memleketti basqarýǵa kóshetin bolsa, Medvedevti qaıda jiberýi múmkin? - degen suraq týyndaıdy. Sonymen qatar Batyspen qalaı dostasýǵa bolady? Bul suraqtarǵa jaýap tabylmasa, Kýdrınniń jospary túkke de turmaıdy.

Imperıalyq konservatorlar sońǵy úsh jylda úlken sátsizdikke ushyrady. İshki saıasat pen ekonomıkada kóptegen shıelenisken máseleler týyndady. Kishigirim ǵana soǵystar úlken qaýipke aınaldy. Ekonomıka qurdymǵa ketip bara jatyr. Qarapaıym halyq kedeılene bastady. Joǵarǵy sanattaǵy adamdar baqytty shaǵymyzdy qaıtaryńdar dep dabyl qaǵýda. Qamalyp otyrý úshin talmaı eńbek etken joqpyz deıdi.

Bar úmit qazir Trampta. Reseılik bıliktiń aýyzyna qum quıyldy.

Reseıdi qaıtadan qalpyna keltirý úshin Tramp óziniń sharttaryn aıtýy qajet.

Keıin birden alańǵa Kýdrındi jiberý kerek. Sol kezde Reseı qaıtadan baıaǵy qaopyna túsip, kúshine ene bastaıdy. Óte qorqynyshty tús sekildi ótip ketedi.

Reseılik bıliktiń oıy osyndaı.

Alaıda, eń basty kedergi – Krymnash. Ony aınalyp ta, basyp ta óte almaıdy..."

Aýdarǵan: Nazerke Labıhan